Ebedeo 1:8 - El Nuevo Testamento en matsés

⁸ Aden chuishumbic abipadquid aton Madombo icsho Nuquin Papan naden chiec: Ënëdenquio yec Chuiquid Abentsëcquiobi mibi iquendac. Adecbidi bëdambuen tabadmequid yec umbi chiacpadombuen namequid mibi iquendac.

Ebedeo 1:8 Referans Kwoze

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Codinto 1 15:25

Esuquidistun abi chieshënquido abitedimbo ambi dëniacacnobi cuëscaquin matses namendac.

Uanën dada uaid 20:28

mishenquio yec badedi: Ai, Nuquin Papapadquidquiobidi yec Cun Icbombo ma mibi neyoc, quepondash Tomas.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Uanën dada uaid 10:33

Adoaquien isadaidbo: ¿Bëdambuen nabanshodambi: Mibi sesenu, cadi? Matses iquequi: Cun Papadquidquio nebi, quequin Nuquin Papa icsambuen chuiquin mua uasho tantiashumbimbi mibi sesenu, caoc, quepondash cun matses chuiquido.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Ducas 1:75

Aden ambi namiaid yec abi tantiaquid uënësabi yec bëdambuec tabadquid iquendac. Aden chiec onquiashien aton mado chiec Sacadias nadec onqueuapanëdash: