Ebedeo 1:6 - El Nuevo Testamento en matsés

⁶ Padpiden chiec Nuquin Papa: Aton mado abentsëcquiobi matses ismenuen abëd icquido caic: Cun Madombo bëdamboshë iquec, caquin aidquio tantiec tabadta, quequin chuipampic.

Ebedeo 1:6 Referans Kwoze

Codosas 1:18

Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Codosas 1:15

Nuquin Papa isadesambo icnubi abipadquidquiobidi yec Aton Mado matsesacsho Esuquidistu matsesën ispanëdash. Abitedi uabi yequi Esuquidistu abitedimbo namequid icnush aton Papabëd icpampic.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.

Doma 8:29

Ëndenquimboshë Nuquin Papa aido tantiec nadpampic: Nëido Cun Madobimbuecquid icmeshun aidon buchi bëyucquidbimbuecquid Cun Madombo icmendambi. Adshumbic aidën utsibobimbuecquid tsiuec dadpenquio icmendambi.

Uan 1 4:9

Aden: Matses tantiaquidquio nec, quequin nuquitedi tantiamenuen Nuquin Papan aton Mado abentsëcquiobi nidaidën chomepanëdash. Aden chomiaid tantiaquido yec Nuquin Papabëd ënëdenquio yec tabadtequido iquendac.

Uanën dada uaid 1:18

Matsesën isacmaidquio Nuquin Papa nec. Padnuen aton Mado abentsëqui abipadquidquiobidi yec aton dayun tsadquidënquio matsessun Nuquin Papa bëdambuen nuqui tantiamepondash.

Ebedeo 10:5

Padnuen Esuquidistu nidaidënshun tishac caniash Nuquin Papa chiec: Mibi bëdambuen ismenuen matsesën nëish iua cuessunneshun pichicatebëta ambi menete utsi iste bunenquio mibi iquec, Papa. Adec bunenquio icquin mimbi tantiacpadombuen matsesën tishaid nebi, Papa.

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Ebedeo 1:5

Abëd icquido ambi uaido isec Nuquin Papa: Cun Mado mibi nec. Nëbi Min Papa nendabi ¿quepecta icpanëdash? Padenquio. Aden abëd icquido chiesa yec: Nëid uëshëmbi mibi chuiquid tapa icmeshun mibi Cun Mado caindambi, quequin Nuquin Papan chuipampic.

Mateo 24:14

Ubi choabi icnuc: Ma matses abitedishun: Nuquin Papan namiacno tabadte iquec, quequin umbi naid Chiaid Bëda chuibansho ma tantianu, queshun ubi tantiaquidon nidaid utsi utsiec yacno nidshun chuiben chuibenendac. Aden matses abitedi chuibennequin nainambi Nuquin Papan matses cuidte uëshë choendac, quepondash Esus.