Ducas 9:50 - El Nuevo Testamento en matsés

⁵⁰ Adoaquien Esusën: Adquid aden chienda. Nuqui chieshënenquio icquidën nuqui bëdambuen isquid nendac, quequin Esusën Uan chuipanëdash.

Ducas 9:50 Referans Kwoze

Ducas 11:23

Aden chiashic: Ubi cun Icbo cainquio icquido ubi chieshënquido nec. Adquid icquin ubi tantiactsëcquido chieshënquin cuëshëdmendac, quepanëdash Esus.

Mateo 12:30

Ubi cun icbo cainquio icquido ubi chieshënquido nec. Adquid icquin ubi tantiactsëcquido chieshënquin cuëshëdmendac, quequin Esusën chuipondash.

Codinto 1 12:3

Adquid iccondaidi nëbi Esus tantiaquido mibitedi icsho chuinu. Nuquin Papan Mayanën tantiamiacmaido yec: Esus icsamboshëcquid nec, quendac. Padnuen Nuquin Papan Mayan Bëdan nadatiambocquin tantiamiaido yec: Esus Cun Icbombo nec, quendac.

Ducas 16:13

Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid mimbi chieshënec. Adquiobidi min piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quepanëdash Esus.

Madcos 9:41

Abimbo chiembique. Tantia. Esuquidistu tantiaquid nec, quequin mibitedi acte acmequin nashunquid Nuquin Papan bëdamboshëcquid menetequid iquendac, quepanëdash Esus.

Mateo 17:26

Petedo: Ma iuabona bedshumpaid yoc, quesho tantiash Esus: Aden aton matses piucquid bedshunenquio iquec, quepondash.

Mateo 17:24

Aden chianec nidequi shubu dadpen icquid Capednaun yacno Esus chopondash. Adnubien Nuquin Papa tabadte shubu dapa nacnenmenu, quequin piucquid bedquidon Petedo chuituidpanëdash: Nuquin Papa tabadte shubu dapa nacnenmenuen ¿ada min icbon piucquid menepatsiash? caquien

Madcos 9:38

Adnubien utsin nabansho issun Uanën naden chuipanëdash: Icbo, mimbi nabocpadombuen utsin nasho ubitedishun ispombi. Aidën: Esus nadatiambocquin naquidquio nec, quequin tantiembique. Dapuduen, cacpadquiequi podobitsi icsa dapuduemposh. Adosho issun: Esusbëd icquidpenquio mibi neque. Aden chienda, quequin chuipombi, quepanëdash Uan.