Ducas 9:30 - El Nuevo Testamento en matsés

³⁰ Adnubien dada daëd isadcuenash Esusbëd onquec tabadpanëdash. Aidi Moisesbëd Edias nepanëdash.

Ducas 9:30 Referans Kwoze

Uanën dada uaid 1:17

Ëndenquimboshë Nuquin Papan: Naden nata, quequin Chiaid Moises dada uamepampic. Padnuen Esuquidistunuidtsëqui Nuquin Papan bëdambuen iste tantiamequin: Nadquio Nuquin Papa iquec, quequin matses abimbo tantiamepondash.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Ducas 24:27

Adshumbic abi natequid chuibanquin Moisesën dada uampidbëtabi Nuquin Papan oncamiaidon dada uampidtedi tantiamequin Esusën chuibampanëdash.

Ducas 9:19

Adoaquien: Utsin utsinquien: Uan acten mentoandenned nepanui, mibi caosh. Utsimbic: Edias icpampid nepanui, mibi caosh. Utsimbic: Ëndenquimbo Nuquin Papan oncamiampid uincuenaid nepanui, mibi caosh, quepanëdash abëd icquido.

Ducas 1:17

Min mado Nuquin Papan Chomiaid tishabi icnuc choendac. Tsusedpa Nuquin Papan oncamiampid Ediasën chiampicpadombuen dacuëdenquio icquin cuembo chuibanquidquio min mado iquendac. Aidën chuibanac chieshënnambuedi amëbëd aton bacuëbo tantiananuaindac. Nuquin Papan Chiaid niacbuedi min madon chiac Nuquin Papan Chiaid naquidquio iquendac. Nuquin Papan Chomiaid choeque. Bëdambuec tabadnuna, quequin chuibanendac, quepanëdash Nuquin Papabëd icquid.

Ducas 9:29

Adec nidshun Nuquin Papa chiec onquequi aton bëtantete utsiacbimbuec yannuc aton dashcute ushumboshë yanec bëchamauanquiec Esus yampanëdash.

Ducas 9:31

Aid daëdi adecbidi bëchamauanquiec isadec Esusbëd onquec tabadquin Edusaden yacnoshon Esus uënës uamete chuipanëdash.