Ducas 9:28 - El Nuevo Testamento en matsés

²⁸ Aden chiashic 7tedec ushash: Nuquin Papa chuitannu, quianec nidquin Petedo yec Uan yec Santiaco yec quenuc buanec macuësh tapa abucquiocquid yacno Esus nidpanëdash.

Ducas 9:28 Referans Kwoze

Ducas 6:12

Adashic uëshë utsin macuësh yacno matses nibëdacno Nuquin Papa chiec nidshun inchëshën ushenquio icquin Esusën Nuquin Papa chuipanëdash.

Ducas 9:18

Adshumbic matses nibëdacno abëd icquidobëd nidash uanno abentsëqui nidshun Nuquin Papa Esusën chuipanëdash. Aden chuitanec choshon: ¿Matsesën: Tsutsi nec, ubi caosh? quepanëdash Esus abëd icquido chiec.

Ducas 8:51

Aden chianec Aido cuëmëdquidën shubuno nidash chochoquidotedi caic: Ubëd puduedenda, quequin chianec Petedo yec Uan yec Santiaco yec aton papa yec aton tita yec quec champi uiacno Esus puduedpanëdash.

Madcos 6:46

Aden matsestedi nidmianec macuësh tapa yacno Nuquin Papa chiec Esus nidpanëdash.

Madcos 1:35

Adashic badiadte anoentsëqui isucunanec shubu nibëdacno abentsëqui Esus nidpanëdash. Adec nidshun Nuquin Papa chuipanëdash.

Ebedeo 5:7

Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.

Codinto 2 13:1

Mibi yacno daëden istanondashic nëbi padpiden mibi isec nidash pudueduashun: Icsambuec tabadquid nec, quequin daëdshun chuisho tantiendambi. Adembidi 3tedshun chuisho tantiendambi. Abentsëcshun: Icsambuec tabadquid nec, quequin chuisho tantiatiapimbo iquebi.

Ducas 3:21

Quënën tsadunabicquin Uanën matses dadpen acten mentobampanëdash. Aden mentobannubien Esus chosho aidtsen mentopanëdash. Aden mentoac Esus Nuquin Papa chiec onquenubien abu shëcuë nibëdbuedi shëcuë yannuc

Mateo 5:1

Matses dadpenshun tsibananacsho isash macuësh tapa pudundoec poctsebi Esus tsadtuidpanëdash. Asho isash abëd icquido Esusën dayunquio tabadpanëdash.

Mateo 14:23

Adec matses abitedi nidannebon: Nuquin Papa chuitannu, quianec nidash macuësh tapa dectatoash abentsëqui tsadquin Esusën Nuquin Papa chuinubi inchëshpanëdash.

Ducas 5:16

Adashic matses nibëdacnombo Nuquin Papa chiec Esus nidtednepanëdash.

Uanën dada uaid 6:3

Adnubi Esus abëd icquidobëd macuësh tapa dectatoec poctsebi tabadtuidpondash.

Petedo 2 1:16

Nadatiambocquin nabanquid yec Nuquin Icbo Esuquidistu: Padpidec chouaindabi, quiondash, quequin ubitedishun chuibanaid ambembi muaquin chuibanaidpenquio nec. Umbimbo bëchamauanquiecsho isondaidquio mambi mibitedi chiec nec.