Ducas 9:20 - El Nuevo Testamento en matsés

²⁰ Adsho tantiashumbien Esusën: Ma mibitedishun ¿tsutsi nec, ubi cao? caquien Petedon: Quidistu caid Nuquin Papan Chomiaidquio nec, mibi caombi, capanëdash.

Ducas 9:20 Referans Kwoze

Uanën dada uaid 7:41

utsi utsiec: Nuquin Papan Chomiaid Mesias Quidistu caidien Esus nechitec, quenubien utsi utsiec: Nidaid cuëshë Cadidea yacnouësh Nuquin Papan Chomiaid Mesias Quidistu caid chotiapimbo iquec.

Uanën dada uaid 4:29

Isec cho. Umbi isacmaidëmbi dadan umbi naid abitedi chioshe. ¿Nuquin Papan Chomiaid Quidistu Mesias caidta nioshe? En isec cho, quequin chuituidac:

Hechos 9:22

Aden ambocquidon tantianubi Nuquin Papan Mayan Bëdan oncamiac Saudon: Nuquin Papan Chomiaidquio Mesias Quidistu caidbidi Esus nec, quequin isadaidbo tantiamenuen chuided chuidedpanëdash. Adoac: Tantiadenquiocnuen chuibampec, quepanëdash ambocquido.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 11:27

Adoaquien Madta: Ai, Icbo, adembi tantiembi. Nuquin Papan Chomiaid Quidistu Mesias caid yec aidën Madombo mibi nec. Nidaidën choec, quequin cun tsusedpabon dada uaquin chiampidquio nec, mibi caombi, quepondash.

Uanën dada uaid 4:42

Adshumbic chido chiec: Mimbiuidtsëqui chuisho tantiabuedëmbi nëbi aidënquio chuisho bëdambuen tantiembi. Aidi Nuquin Papa yacno matses tabadmequid nec, quequin tantiembi, quecuededpondash Samadia yacnocquido dadpen.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 1:41

Adanec Andedes aton buchi chiec badedquio nidpondash. Adec nidquin Simon Petedo istuidash: Nuquin tsusedpabon chiampid Nuquin Papan Chomiaid Quidistu Mesias caid istuidombique. En isec cho, buchi, capanëdash.

Madcos 8:29

Adsho tantiashumbien Esusën: Ma mibitedishun ¿tsutsi nec, mimbi ubi cao? caquien Petedon: Quidistu Nuquin Papan Chomiaidquio nec, mibi caombi, capanëdash.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Ducas 22:67

chuimenun nënantanquio nidtomeshun: Nuquin Papan Chomiaid Quidistu Mesias caid nebi, ¿quecta ique? Tantianu. Chui, capanëdash isadaidbon chuiquidon Esus chuiquin. Adoaquien: Umbi: Aidi nebi, quequin chiac mimbi tantienquio ictsiac.

Madcos 14:61

Adoac ëcbedenquio yec otacquio icsho issun: Ambi chomiaidquio Quidistu caid Nuquin Papan Madombo nebi, ¿quecta ique? capanëdash nëish iua cuessunneshun pichicaquidon chuiquid tapanquio Esus cain.

Mateo 22:42

Umbitsen mibitedi chuinu. Tantia. Nuquin Papan Chomiaid Quidistu Mesias caid ¿Mitsi padquid nepec? ¿Matsesën madouidtsëquida nepec? capondash Esusën. Adoaquien badedi: Tsusedpa yampid Dabidën tsiuecquid nec, quequin Dabidën mado caimbi, capondash padiseobon.

Mateo 5:47

¿Min matsesadobëduidtsëqui onquec: Mibi tantiembi, quec bëdamboda mibitedi icpe? Nuquin Papa tantiesaboen adec tabadpec.

Mateo 26:63

Adoac ëcbedenquio yec otacquio icpanëdash. Adshobien nëish iua cuessunneshun pichicaquidon chuiquid tapan: Nuquin Papa uënëstiapimbocquidën cuidnushe, queshun abimbo chuita. ¿Nuquin Papan Chomiaidquio Quidistu caid yec aidën Madombobida mibi nepe? caquien

Ducas 9:19

Adoaquien: Utsin utsinquien: Uan acten mentoandenned nepanui, mibi caosh. Utsimbic: Edias icpampid nepanui, mibi caosh. Utsimbic: Ëndenquimbo Nuquin Papan oncamiampid uincuenaid nepanui, mibi caosh, quepanëdash abëd icquido.