Ducas 9:1 - El Nuevo Testamento en matsés

¹ Adshumbic ambi: Ubi chuibenneta, caido 12tedtsëqui chochomeshun Esusën nadopanëdash: Umbi nadatiambocquin nabambocpadombuembidi mibitedishun nabanendac. Podobitsi icsa dapuduedaid dapuduenmequinc daicsaido bëdanmequinc nënquido bëdanmequinc quequin mimbi nabanendac.

Ducas 9:1 Referans Kwoze

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Ducas 10:19

Umbi nadatiambocquin nabanquid mibitedi icmebanombi. Adquid icmiac nisibëta chichun tincac mibi icsa uatiapimbo iquendac. Adembidi Mayan Icsa Satanasën namiaidon mibi chieshënquin icsa uatiapimbo iquendac.

Hechos 4:30

Icsaisa icquin Esusën nadatiambocquin nabanquin nënquidotedi bëdanmiondacpaden aid tantiaquid icsho ubitsen nadatiambocquin name Papa, quepanëdash Esus tantiaquido Nuquin Papa chuibededec.

Mateo 16:19

Adquid icsho Nuquin Papan namiacno puduedte shëcuë chicte meniacbimbuen nidaidënshun ubi tantiaquidon nate mimbi chiendac. Adembidi aidon natemaidtsen mimbi chiendac, quepondash Esus Petedo chiec.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Hechos 9:34

Esuquidistun mibi bëdanmeque. Nidtoshon min uete buannun nacnenta, Eneas, Petedon cac badedquio bëdanec nidtopanëdash.

Hechos 3:16

Esusën nëid bëdanmec, quequin umbi abimbo tantianubi nëid dada uishcash uesho mimbi isbededbuedi bëdanash bëdambuec capusho mibitedishun isec.

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 8:9

Ubibic cun chuiquid tapan namiaid icquin sondado utsibo namequid nebi. Umbi: Baded nid, cac badedi nidec. Umbi: Baded cho, cac badedquio choec. Cun iuan umbi: Nata, cac umbi chiacpadombuen naic. Mibi adquidquiobidi neque. Cun iua bëdanmeta, quepanëdash sondadon chuiquid tapa.

Ducas 10:1

Adshumbic abi tsibanquido dadpen 72ted icquid Esusën chomepanëdash. Aido chiec: Daëd daëdquiec shubu dadpen icquid utsi utsiec yacno nidshun chuibennetan, quequin ambi bëyuc nidmetequid