Ducas 8:33 - El Nuevo Testamento en matsés

³³ matsesën dadanouësh dapuduenequi icbo icboec chanchu dapuduedash niquianec abucquio quiusudacnouësh chian nëpaëdbudnec mentoadbudnepanëdash nibëdquio yec.

Ducas 8:33 Referans Kwoze

Esusën Uan ismiaid 9:11

Tsectsecbiecquid chomequid aton chuiquid tapa nidaid shëcuë ëquëducquio icquid bëtashaid chicquid icsho: Uënës uanquidquio nec, quequin isadaidbon onqueten Abadon quequin cuëmposh. Quidiecon onquetembic Apodion caposh.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Mateo 8:32

Adsho tantiashun Esusën: Ai, mimbi tantiacpadec nid, cac nidash chanchon dadan icbo icboec dapuduednuc niquianec abucquio quiusudacnouësh chian nëpaëdbudnec mentoadbudnepanëdash chanchu nibëdquio yec.

Ducas 5:1

Adashic chian Quenesaded cashumbic Cadidea caid cuëman tabadquin Esusën Nuquin Papan Chiaid chuibansho tantianuec chochoash matses tsucus tsucustsëcquio yec tabadpanëdash.

Ducas 8:32

chanchu dadpenquio macuësh yacno pec tabadsho isash: Ubitedi chanchu dapuduedtiadquio iquebique. Ubitedi dapuduedme, quepanëdash podobitsi icsabo Esus caic. Adoaquien: Ai, chanchu dapuduedcuededec nid, Esusën caquien

Ducas 8:34

Adsho istanec chanchu pemequin isquido titinquianec nidannepanëdash. Adec nidshun shubu dadpen icquid yacno tabadquidobëta uanno uannoec tabadquido ambi isbued chuipanëdash.