Ducas 8:12 - El Nuevo Testamento en matsés

¹² Secac podquied nantan paëdaidbimbuecquid nad iquec. Nuquin Papan Chiaid tantiashumbi bëdambuen tantienquiocsho Mayan Icsa Satanasën: Nuquin Papa tantiabenash aid yacno tabadnushe, queshun tantiamenquio icquin badedi bëshunmendac.

Ducas 8:12 Referans Kwoze

Esusën Uan ismiaid 12:9

Aden cuenmiaquien matses tabadacno nidaidën nisi dapabimbuecquid aton iuabobëdi budbudposh. Aidi ëndenquimboshë icpampid Mayan Icsa cashumbic Satanas quequin cuënaid neposh. Aidëmbi nëbi matses abitedimbo mua uaquin icsamequin iuate bunquiec.

Madcos 4:15

Pete ëshë secac podquied nantan paëdacsho uicchunën dëyuctiapimbonoc chiacbimbuecquid matses utsi utsiec iquec. Adquid Nuquin Papan Chiaid chuibansho tantiash: Tantianu, queshobi tantiamenquio icquin Mayan Icsa Satanasën badedi bëshunmendac.

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Ducas 8:5

Tied icbo pete ëshë secaic aton tied yacno nidposh. Adec nidshun pete ëshë secac maisec utsi utsiec podquied nantan paëdacsho matsesën tintincanubi utsi dadpen uicchunën cheposh.

Mateo 13:4

Adec nidshun pete ëshë secac maisec utsi utsiec podqued nantan paëdacsho istanec choshon uicchunën cheposh.

Ducas 8:11

Aden chiashic: Umbi utsi chiacbimbuen chuibambued nad iqueque. Tantia. Chuinu. Tied icbon pete ëshë secaidbimbuecquid Nuquin Papan Chiaid nec.

Ducas 8:13

Pete ëshë utsi cuënote dadpen samëdacno paëdaidbimbuecquid nad iquec. Nuquin Papan Chiaid chuibansho tantiash: Tantiabenombi, quiash cuishonquendac. Adbuedi aton tapun nibëdquio yacbimbuec chieshtomiantequid utsi utsiec icnuc bëdambuen tantienquio icquin Nuquin Papa tantienquio yanendac.