Ducas 7:50 - El Nuevo Testamento en matsés

⁵⁰ Aden pec tabadquidon tantianubi chido caic: Ubi tantiaquid yec Nuquin Papa yacno puduedtequid mibi neque. Dacuëdenquio yec nidta, quepanëdash Esus.

Ducas 7:50 Referans Kwoze

Madcos 5:34

Aden chiac Esusën: Champi, mimbi tantiacpadquiequi mibi bëdanaque. Dada icsambo icbuedi nëbi mibi bëdanoque. Bëdambuec nidec nid, capanëdash chido chuiquin.

Ducas 8:48

Adoaquien: Mimbi tantiacpadquiequi mibi bëdanaque. Dacuëdenquio yec bëdambuec tabadec nid, champi, capanëdash Esusën.

Ducas 18:42

Adoaquien Esusën: Aidën ubi bëdanmec, quequin mimbi tantiacpadquiequi mibi bëdanoque. Padpidembuen isbenuata, quenubi

Mateo 9:22

Adoac bidiadquin chido isquin Esusën naden chuipondash: Dacuëdenda. Mibi: Aidën bëdanmiac bëdanebi, quequin mimbi tantiacpadquiequi mibi bëdanoc, Esus quenubi bëdanquiopanëdash.

Madcos 10:52

Adoaquien Esusën: Aidën ubi bëdanmetsiash, quequin mimbi tantiacpadquiequi mibi bëdanoque. Nidec nid, Esus quenubi badedquio bëdanquin bëshuacbuedëmbi isbenuapanëdash. Adec bëdanshun Esus nidsho issun tsibanampanëdash.

Ducas 8:18

Adquid icnuc Umbi Chiaid bëdambuen tantiaquiota. Nuquin Papa tantiate bunquidën ubi tantiabensho bëdambuen tantiamendambi. Nuquin Papa tantiauidtsëcquidën umbi utsi chiacbimbuen chiac tantienquio icsho tantiamenquio iquendambi, quepanëdash Esus.

Ducas 7:9

Adsho tantiash tantiadempambo icquin Esusën abi tsibambëquido naden chuipanëdash: Bëdambuen nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec, quepanëdash Esus.

Ducas 17:19

Aden chuishumbic: Mimbi tantiacpadequi mibi bëdanoque. Nidtoanec nidec nid, quequin Esusën chuipanëdash.