Ducas 7:47 - El Nuevo Testamento en matsés

⁴⁷ Adembidi mibi chiembique. Tantia. Aidën icsambuen nabanaidtedi tantienquio yec bëshunobi. Umbi aden nac ubi bëdambuen tantiaquioquin ubi nashunquidquio nëid chido nec. Padnuen utsin: Umbi icsambuen naid daëdpactsëc icsho Nuquin Papan cuidenquio iquec, quequidën bëdiactsëc tantiactsëcquin nashunenquio iquendac, quepanëdash Esus Simon caic.

Ducas 7:47 Referans Kwoze

Uan 1 4:19

Nuqui tantiaquidquio icquin Nuquin Papan tantiamiac aid tantiaquid yec utsibobëd tantiananquidombo nuquitedi nendac.

Uan 1 3:18

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Doma 5:20

Matses ambi icsambuen naid tantiamenuen ambi: Naden nata, quequin chiaid Moises dada uamepampic. Aidën chiaid chuisho tantiashi icsambuen naquido dadpenquio yampampic. Aden icsambuen naquido dadpenquioshë yansho issumbi Nuquin Papan matses tantiaquidquio icquin bëdambuen iste bumpampic.

Epeso 6:24

Ënenquio icquin Nuquin Icbo Esuquidistu tantiaquid abitedi Nuquin Papan bëdambuen isquin ma chieshtoenquiocquid icmepanuna, quequin tantiembi. Aidted chuiquin dada uaombi.

Uan 1 5:3

Adembidi Nuquin Papa tantiaquidën ambi: Naden nata, quequin chiampid tantiaquin nabanendac. Aden Ambi: Naden nata, quequin Chiampid natiapimbo ictequid nec, quenquio nuqui iquec.

Timoteo 1 1:14

Aden icsambuen naquid icshobini cuidenquio icquin Nuquin Icbo Esusën ubi tantiaquidquio icquin tantiamiac: Abi tantiasho ubi bëdambuen istsiash, queshun Esusquio tantiabenondambi. Adshun matsestsen tantiaquiembi.

Pidipos 1:9

Naden mibitedi tantiaquin Nuquin Papa chiannembi. Aido bëdiactsëc tantianansho canidoacbimbuec utsibobëd tantiananmequiota. Adembidi mimbi naid bëdiactsëc tantiasho tantiamebenquiota.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Ducas 7:39

Chidon adosho isashien Esus iuedquid ambibi tantiec: Umbi iuedaid Nuquin Papan oncamiaid iquec: Ubi mishquid icsambocquid nec, quequin chido mishmenquio ictiadquidi nec, quepanëdash Simon padiseobo yec.

Mateo 10:37

Padnubic aton papa tantiaquinc aton tita tantiaquinc cain aidën chiacpadombuenuidtsëqui naquidën umbi chiacpadombuen natiapimbo ictsiash. Adembidi aton mado tantiaquinc aton champi tantiaquinc caquin aid bëdambo icmeteuidtsëqui bunquin umbi chiacpadombuen natiapimbo ictsiash. Adquido ubi tantiaquidpenquio nendac.

Codinto 2 5:14

Esuquidistun tantiaid icquin ënenquio icquin naden chuibanquid nebi. Matses abitedi tantiec abided cuidadec Esuquidistu abentsëqui uënëspanëdash. Adquid icnuc uënësacbimbuen aid tantiaquid icquin nuqui bunaid nainquio iquendac, quequin nuqui tantiec.

Ducas 7:46

Nuquin matsesën nacpaden naquin mimbi ubi bëchin manoshcainquio iccoc. Padnuen nëid chidon danoshquete bëdambo nuadquidën tachiuinquin tanoshcaosh.

Ducas 7:48

Aden Simon chiashic chido caic: Mimbi icsambuen naidtedi tantienquio yec bëshunobi, quepanëdash Esus.