Ducas 7:24 - El Nuevo Testamento en matsés

²⁴ Adoac Uanën chomebuedo nidbombien matses dadpen icsho tantiamenuen Uan chiec Esus nadpanëdash: ¿Atotsi isnuec shubu nibëdacno mibitedi nidonda? ¿Piabiecquid cunquequidën ishcunaid isnuecta nidtionda?

Ducas 7:24 Referans Kwoze

Epeso 4:14

Adec tabadquido yec bacuëmpin utsi utsien tantiacpaden tantiaquidpenquio nuqui nendac. Cunquequidën ëquë ëquëen tsidunacbimbuen muaquidon utsi utsien chuibansho tantiash badedquio: Abimbo caic, quec mua uadec. Aido icsambuen tantiaquido icquin chuisho tantienquio iquendac.

Ducas 3:2

Chuiquid aidtedi icnubien Anasbëd Caipas nëish iua cuessunneshun pichicaquidon chuiquid tapabo icpanëdash. Aid daëdi icnubien Uan Sacadiasën mado shubu nibëdacno capucuenneshobi Nuquin Papan: Umbi chiaid chuibenneta, capanëdash.

Ducas 1:80

Adashic Sacadiasën mado Uan canicuensho Nuquin Papan tantiamiaidquio iquec shubu nibëdacno capucuennepanëdash ambi isadaidbo chuibennete uëshë choabicnuc.

Petedo 2 3:17

Tantia, cun utsibo. Umbi tantiaido icsho mibitedi chuinu. Abimbo tantienquio icquin Nuquin Papan Chiaid niac niacquidon muaquin chuibanendac, ubi quesho tantiashun: Esus tantienquio yanmane, queshun ënenquio icquin aid tantiec bëdambuec tabadta.

Petedo 2 2:17

Aidotedi muaquin tantiamequido yec acte chomenuen uëdëshcashun nacnenaidi acte nibëdquio yacbimbuecquido nec. Adecbidi abu chëshë cunquequidën tsidunacbimbuecquido nec. Adquido icsho Nuquin Papan cumapenec mëyadnuc cuidquin inchëshquio yacno nidmequin ënëdenquiocnoc cuidendac.

Uanën dada uaid 1:23

Nuquin Papan oncamiampid Isayasën naden chiampid nebi. Shubu nibëdacno capucuennequin cumapenen cuënac matses chochosho: Chuiquid tapambo choeque. Podquied nacnenshunta, cacbimbuen Nuquin Icbombo choeque. Mimbi icsambuen naid ënash bëdambuec tabadta, quequin chiendac, campid nebi, quepondash Uan.

Ducas 7:23

Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin Uan chiec nid, quepanëdash Esus Uambëd icquido chiec.

Ducas 7:25

¿Aid isnuec nidenquio yec atotsi isnuec nidonda? ¿Dashcute bëdaidquio dasiuidquid isnuecta nidtionda? Padenquio. Dashcute bëdaidquio dasiuidquido atona dadpenquio icquido chuiquid tapan shubun tabadquido nec, quequin mibitedishun tantiec.