Ducas 6:29 - El Nuevo Testamento en matsés

²⁹ Adembidi mibi tancuesquid cuidenquio icquin: Utsiuctsen ubi tancues, cata. Adembidi ampequin min dashcute bedanec cuensho issun: Chiata. Bëntsecquidtsen beduan, cata.

Ducas 6:29 Referans Kwoze

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Codinto 2 11:20

Aidon mibi caic: Iuanu. Ubi nashunta, quesho tantiash icsambuen tantiaquidbimbuec mibi iuadte bumpec. Adembidi mibi chiec: Bec cho, quesho icsambuen tantiaquidën nacbimbuen mimbi menebanec. Muaquin chiac: Mibi muaquid nec, quenquio yec mibi tabadec. Mibi icsambuen chuishunquin mamënshunaqui mibi: Padi, quenquio iquec. Aton iuabimbuecnuc mibi mëyanquin tancuesaqui: Min iuapenquio nebi, quenquio mibi iquec.

Codinto 1 6:7

Nëishnanash chushcananenquio ictiadquidi mibëtan Esus tantiaquidobëd chushcananec mibitedi icsambuec tabadec. Esus tantiaquid utsin mibitedi icsambuen chuishunac ¿atotsi quiash ëcbedenquio icquin mëmuntiadquidi nëishash mibi chushcanampe? Adembidi utsin ampeshunac ¿atotsi quiash: Ma ampenu, quetiadquidi nëishash mibi chushquepe?

Uanën dada uaid 18:22

Adsho tantiashun: ¿Chuiquid tapada aden chuipaic? quetanquin Nuquin Papa tabadte shubu dapa yacnoshon isquid sondadon mëdanten Esus tancuespondash.

Mateo 26:67

Adshumbien Esus chieshënquin bëpishtucatanquin mëshëbudtanquin mëdanten bëse bësepanëdash. Bëse bësesho istanquin utsibontsen istiapimbo icnuc Esus dashcuten bëpuctanquin mëdanten tancues tancuespanëdash.

Codinto 1 4:11

Ubitedi Esuquidistun: Chuibenneta, caido yec pete bunec tabadebi. Adecbidi acte bunequi tabadebi. Adecbidi dashcute abentsëqui icnuc natiec tabadebi. Adecbidi chieshëmënquidon natiamiaido nebi. Quenenash icte shubu nibëdquido nebi.

Ducas 22:64

Adoshombic dashcute cuëshën bëpucshun cuestanquin Esus sondadon nadopanëdash: Cumapenen tantiaquidquio icquin ¿tsundan mibi cuesoshe? En chui. Tantianu, capanëdash.

Hechos 23:2

Aden chuisho tantiashun Nuquin Papa ismequin nëish iua cuessunneshun pichicaquidon chuiquid tapanquio Ananiasën: Muaquin chieque. Ëccues, capanëdash Pabadon dayun tabadquido chuiquin.

Ducas 6:30

Utsibic: Mitsana bec cho, quesho meneta. Adembidi utsin mitsana bedshunac: Badedquio ubi meneuata, cainda.