Ducas 6:22 - El Nuevo Testamento en matsés

²² Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Ducas 6:22 Referans Kwoze

Mateo 10:22

Esus tantiaquid nec, queshun matses dadpenshun mibitedi chieshënendac. Adoaqui chieshtoenquio icquin ubi tantiasho Nuquin Papan abi yacno mibi tabadmendac.

Petedo 1 3:14

Adec bëdambuec tabadsho issun icsambo icquidën natiamequin mëyanacsho mibitedi Nuquin Papan mibi bëdambo icmetsiashe. Utsibo dacuëdënec natiec tabadenda.

Uanën dada uaid 16:2

Mibi chieshënquidon: Nuquin Papan Chiaid chuibante shubun puduedenda, quequin shubu dadpen icquid utsi utsiec yacnoshon mibi cuenmendac. Adombuembidi mibi chieshënquin utsi utsien cuessun secash: Nuquin Papa nashunquin Esus tantiaquido cuessun secaombi, quependac.

Uanën dada uaid 7:7

Mibitedi ubi tantiesabon chieshëntiapimbo iquec. Ubien chieshënondash. Nuquin Papan Chiaid niac niacquin mimbi icsambuen naic, umbi cac chieshënondashi.

Uanën dada uaid 12:42

Cun matses dadpenshun Esus tantiabennubi adembidi cun matses isadaidbon chuiquido utsin utsinquien Esus tantiabempanëdash. Adbuedi: Nuquin Papan Chiaid chuibante shubun puduedacsho padiseobon cuenmenushe, quiash dacuëdquin: Esus tantiaquid nebi, quequin chuitiadquidi utsibo chienquio icpanëdash.

Hechos 24:5

Nëid dada mimbi bëmebued icsambocquid nec. Adquid iquec Nasaded yacno iccondaid tantiaquidon chuiquid nec. Aidëmbi nidaid utsi utsiec yacno nidshun ambi tantiaid chuibanquin isadaidbo cumapenen chushcananmequin cuëdcuededmiac cuëshëdcuededpac caosh.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Uanën dada uaid 17:14

Mimbi chiaidquio nëido chuibanombi. Aden umbi chuibanac ubi tantiaquid icsho ubi chieshënquidon nëidotsen chieshënendac, Papa.

Ducas 21:17

Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Mateo 10:39

Matses ambibi tantiaiduidi naic tabadquid uënësash Nuquin Papa yacno puduedtiapimbo iquendac. Padnuen ubi tantiaquin umbi chiacpadombuen nasho chieshënquin cuessunniacsho Nuquin Papan abi yacno tabadmendac, quequin Esusën chuipondash.

Hechos 22:22

Aden Pabadon ambi nabanaid chuibansho tantiec iccuededquido otacquio tabadbuedi: Isadaidpembo, quec Pabado onquesho tantiash: Tantiatiapibi. Aid dada padpiden istiapimbo iquebique. Cuessunneta, quec cumapenec cuëdcuededpanëdash.

Uanën dada uaid 9:34

Adsho tantiash nëishtanquin: Bëshuacchobi tishaid yec mibi icsambuen naquid nec. ¿Adquid icquimbida mimbi ubitedi chuipe? Nëmbo Nuquin Papan Chiaid chuibante shubun padpidec pudueduainda, quequin cuenmepanëdash.

Ducas 20:15

Adec onquetanquin tied icbon mado choacsho tied yacnoshon cuenmetanquin icbo neshcashunquidon cuessunneposh. Aden chiashic Esus: Min mado cuessunniosh, quequin utsin chuituidac ¿atotsi tied icbon napatsiash? ¿Mitsipaden mibitedishun tantie?

Mateo 10:18

Utsibombic adembidi cuesmenuen chuiquid tapa cobednadod yacno mibitedi buanendac. Adembidi chuiquid tapa utsi yacnotsen mibi buanendac. Ubi chuibanquidon chuiquid tapabëta isadaidpembo ma umbi naid chuibannu, ubi quenuc mibitedi aden buanendac.

Ducas 6:21

Nëbi natiambo bunec tabadtednesho issun Nuquin Papan bëdambo icmiaid yec bunesa mibitedi iquendac. Nëbi mëyadec shubiec tabadtednequid icsho Nuquin Papan bëdambo icmiaid yec iuecash mibitedi cuishonquec mamënendac.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.