Ducas 5:21 - El Nuevo Testamento en matsés

²¹ Aden chuisho tantiash padiseobobëd Moisesën chiampid tantiamequido ambibi tantiacpadec onquec: Nuquin Papanuidtsëqui chuitequidquio chuibanquin Nuquin Papa icsambuen chuishunquid yec ¿tsutsi nepec? Nuquin Papa abentsëcquiobien icsambuen naidtedi tantienquio yec bëshunquid nec, quecuededpanëdash.

Ducas 5:21 Referans Kwoze

Uanën dada uaid 10:33

Adoaquien isadaidbo: ¿Bëdambuen nabanshodambi: Mibi sesenu, cadi? Matses iquequi: Cun Papadquidquio nebi, quequin Nuquin Papa icsambuen chuiquin mua uasho tantiashumbimbi mibi sesenu, caoc, quepondash cun matses chuiquido.

Ducas 7:49

Adsho tantiash: Mimbi icsambuen naid tantienquio yec bëshunobi, quequid ¿Mitsipadquid nepec? quepanëdash pec tabadquido.

Mateo 26:65

Adsho tantiash Nuquin Papa ismequin nëish iua cuessunneshun pichicaquidon chuiquid tapambo: Icsambuen chiec, quec nëishtanquin aton dashcute bëntsecquid dached dachedquepanëdash. ¿Ada mibitedishun tantio? Nuquin Papan Madombobi nebi, quequin Nuquin Papa icsambuen chuishunec muapayoc. Ambi icsambuen naid utsi chuisho tantiatiapimbo iquebi. Ambibi Nuquin Papa mua uasho tantiashun

Doma 8:33

Nuquin Papan ¿Adquid icmiacshoda utsibon: Mimbi icsambuen nabanec, capatsiash? Padenquio. Aido Nuquin Papan ambi tantiacpadombuen icsaisabimbuenuc icmendac.

Ducas 5:17

Adashic uëshë utsimbi Esusën Nuquin Papan chiaid chuibannuc padiseobobëdi Moisesën chiampid tantiamequid dadpen ambo tabadpanëdash. Aido utsi utsiec nidaid Cadidea yacnouësh chochoquido icnubi utsi utsiec nidaid Udea yacnouësh chochoquid icnubi utsi utsiec shubu dadpen icquid Edusaden yacnouësh chochopanëdash. Adec chochoash tabadnubien Nuquin Papan nadatiambocquin naquid icmiac matses daicsaidobëta nënquido bëdanmequid Esus icpanëdash.

Mateo 9:3

Adsho tantiash abi datsidadash tabadquid utsi utsiec Moisesën chiampid tantiamequido ambibi tantiec: ¿Adpecta matses icquid? Ma icsambuen Nuquin Papa chuishumpayoc, quepanëdash Esus caic.

Ducas 3:8

Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash.

Ducas 5:22

Aden aidon otacquio tantiaid ambibi tantiashumbien Esusën naden chuipanëdash: ¿Atotsi quequin mibitedishun icsambuen tantiape?