Ducas 4:7 - El Nuevo Testamento en matsés

⁷ Adquid icnuen ubi dannëshën sebudquin ismequin: Cun icbo mibi nec, ubi casho mibi aidtedi menembi, quepanëdash Mayan Icsa Satanas Esus chiec.

Ducas 4:7 Referans Kwoze

Ducas 8:28

Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.

Esusën Uan ismiaid 22:8

Uan nebi. Umbi isbuedbëta umbi tantiabued abimbo chuiquin nëid dada uaombi. Aden Nuquin Papabëd icquidën chuibanquin ënquimbi ismiaquini: Nuquin Papa padquidien nechitec, quetanec aid ismec dannëshën tinquebudpoc.

Esusën Uan ismiaid 5:8

Aden bedshunsho istanequien dadanobi ëshëcquidobëd tsësiobo 24ted icquido Obecabimbuecquid ismec dannëshën tinquebudcuededposh. Aidon icbo icbuen tintincate sananquimbi utsiucshun maspanëmpin sandoaid bëdambo nuadnuc tauite sanamposh. Umbi tintincamequin Nuquin Papa cuishoncamiacbimbuec Nuquin Papa tantiaquido cuëdënaid iquec, quequin aden tintincate sananquin ismeposhi. Adembidi nëshunquio pichicac nëid pushudquid Nuquin Papa yacno nidacbimbuec: Abi tantiaquidon chianniaid iquec, quequin bëdambo nuadnuc pichicate sananquin ismeposhi.

Esusën Uan ismiaid 4:10

tsësiobo 24ted tabadquidotsen aid ismec dannëshën tinquebudcuededec nidaidën bëccuësquebudcuededposh. Adtanquimbic mauete chicbededtanquin Nuquin Papan tayun sambededposh: Abitedishun Icbombo mibiuidtsëqui nec, quequin. Adotanec aidotsen naden chiec cuëdënuaposh:

Ducas 17:16

Esusën tayun dannëshën sebudash nidaidën bëccuësquebudash: Mimbi bëdanmeboc bëdambo iquebi, quepanëdash Esus caic. Aidi Samadia yacnocquid isadaidpembo nepanëdash.

Mateo 2:11

Adash shubun puduedshun isaquien aton tita Madiabëd bacuëmpi iquec. Aid isashic: Matses chuiquid tapa ictequid nec. Matses bëdambo icmetequid nec, quequin aton matsesën nacpadombuen ismec danëshën sebudpanëdash. Adshumbic ambi bëbued atona bëdambocquid chicshun menepanëdash nëidtedi. Nëidic shocosh bëshpiu bëshpiupactsëcquid odo caid. Nëidic bëdambo nuadnuc pichicatequid. Nëidic bëdambo nuadec danoshquete mida caid. Aidtedi menepanëdash.

Ducas 4:6

Aden ismec: Nëidtedishun icbo icmiaidquio nebi. Abitedi cuna nec. Umbi tantiacpadombuen utsi menetsiambi. Umbi meniac aidtedishun chuiquid tapa mibi icnuc aidtedi mitsana iquendac.

Ducas 4:8

Adoaquien Esusën: Nuquin Papan chuiquin naden dada uamiampid iquec: Nuquin Papauidtsëqui tantiaquin ismequin dannëshën sebudshun aidën chiacpadombuenuidi nabanta, quequin chiampid iquec, quepanëdash Mayan Icsa Satanas chiec.