Ducas 4:20 - El Nuevo Testamento en matsés

²⁰ Aden isec onquequin nainshun dada uaid bidicashun ambo nashunquid meniash Esus tsadtopanëdash. Adec tsadsho ambo icquidtedishun bëisbededquiopanëdash.

Ducas 4:20 Referans Kwoze

Ducas 4:17

Adec nidtosho issun Nuquin Papan oncamiampid Isayasën dada uampid ambo icquidën Esus menepanëdash. Aden aid meniac sananquin seccuduabanquin isbanec nadec Esus onquepanëdash:

Uanën dada uaid 8:2

Adashic ushash badiadnubi choec Nuquin Papa tabadte shubu dapa daquënë uaidën puduedpondash. Puduedsho isash matses dadpen chochoec abi datsidadsho issun tsadquin Esusën chuibampondash.

Ducas 19:48

Aden aidtedishun tantiaquin caimbedednubi: Esusën chuibansho tantianu, quec matses dadpen Esus datsidadacsho issun ashunquio isadaidbon chuiquidon Esus uënës uamenuen bedtiapimbo icpanëdash.

Ducas 5:3

Adsho isanec nidash Simonën cano antsadtoshon: Udictsëc ubi buan, Esusën cac Simonën udictsëc buampanëdash. Aden buanac chian cuëman tabadshobi cano antsadquin Esusën chuibampanëdash.

Mateo 26:55

Adshumbic abi bedquido chiec: ¿Ampec cuesanquid Esus nec, queshunda cuestebëta chështe sanambededtsëquiec ubi bedec chocho? Mambi badiadquidën badiadquidënquien Nuquin Papa tabadte shubu dapa daquënë uaidën tabadquin matses tantiamenuen chuibampaboc mibitedi tabadnubi. Aden chuibanshobi ma mimbi ubi bedenquio icpaboc.

Hechos 16:13

Pidipos yacno tabadashic isadaidbo chonoadtemaid uëshën Nuquin Papa chiec isadaidbo onquededniacno istuidnuec puduanec shubu nibëdacno nidequi acte yacno chopondabi. Ambo choshon iccuededquido chidobo istuidshun Nuquin Papan Chiaid Bëda Esusën naid Pabadon chuibampondash.

Hechos 3:12

Adec tabadsho issun Petedon naden chuibampanëdash: Cun matses isadaidbo ¿Atotsi quiash: Padtec, quequin ubi daëdi mibitedishun bëise? ¿Ubi daëdshun nacta nëid capupadic? ¿Ubi bëdambocquid icquindambi nadatiambocquin nadio?

Mateo 27:60

Adotanquimbic nidaid cuënoteuidpambo icquid macuësh tsimpiduc ambi uëdëshcamiaid shëcuë chucanquio Osen Esus nauedpanëdash. Adotanquimbic cuënote dapabidi bëtashte uaid bincumbëshun bëtashanec Ose nidpanëdash.

Ducas 4:21

Aden isec tabadsho isash: Nuquin Papan chuiquin dada uamiampid umbi chuibansho mibitedishun tantiabuedën nëbimbobi nabanquin bedambued mimbi tantioc, quepanëdash Esus.