Ducas 4:16 - El Nuevo Testamento en matsés

¹⁶ Adashic abi caninëdacno shubu daëdpactsëcquid Nasaded yacno Esus niduapanëdash. Ambo nidash chonoadtemaid uëshën Nuquin Papan Chiaid chuibante shubu yacno abi puduedtedniacpadequi puduedash Nuquin Papan Chiaid isec onquenush nidtopanëdash.

Ducas 4:16 Referans Kwoze

Hechos 17:2

Ambo tabadequi abi nidtedniacpadec chonoadtemaid uëshën Nuquin Papan Chiaid chuibante shubu yacno nidshun Pabadon Esus tantiamenuen Nuquin Papan naden chiampid chuibampanëdash: Nuquin Papan Chomiaid Quidistu Mesias caid abided cuidadec uënësash padpidec uincuenendac, quequin chiampid icnuc Nuquin Papan Chomiaidquio Quidistu Mesias caid Esus nec, quequin mibitedi chuibanec nebi, quequin Pabadon chuipanëdash. Aden chonoadtemaid uëshë 3tedec icquin chuibampanëdash.

Mateo 2:23

Adec nidec shubu dadpen icquid Nasaded yacno choash ambobi tabadpanëdash. Nasaded yacnocquid Nuquin Papan Chomiaid nendac, quequin Nuquin Papan oncamiaidon chuiquin dada uampicpadec ambo tabadequi Esus canipanëdash.

Ducas 2:51

Adshun: Nidnu nid, mado, cac cacuidenquio yec Nasaded yacno chouapanëdash. Ambo icquin aton titabëtan Osen chiacpaden Esusën nadednepanëdash. Aden nasho issun aton titan ambi isbuedbëta ambi tantiabued bëshunenquio icquin tantiadednepanëdash.

Ducas 2:42

Adec nidnuc Esus abi tishaid seta 12ted icnuc aton titabëd aton papa Edusaden yacno nidsho isash abëdi Esus nidpanëdash. Nuquin Papan chiampicpadequi setan setanquiec nidtednepanëdash.

Uanën dada uaid 18:20

Adoaquien Esusën: ¿Ompodshondambi chuibandio? Nuquin Papa tabadte shubu dapa tsicatequin daquënë uaidën puduedshun nuquin matses isadaidbo iccuededacnoshon mambi chuibandedneboc. Nuquin Papan Chiaid chuibante shubun shubunquiec puduedcuennequin mambi ompodenquio icquin chuibenneboc.

Ducas 4:21

Aden isec tabadsho isash: Nuquin Papan chuiquin dada uamiampid umbi chuibansho mibitedishun tantiabuedën nëbimbobi nabanquin bedambued mimbi tantioc, quepanëdash Esus.

Ducas 2:39

Adashic Nuquin Papan: Naden nata, quequin Moises chiampicpaden nainash aucbidi nidec Osebëd Madia nidaid cuëshë Cadidea caid yacno niduash shubu dadpen icquid Nasaded yacno abi tabadbocno chopanëdash.

Ducas 4:15

Adshumbic Nuquin Papan Chiaid chuibante shubu utsin utsinquiec puduedcuennequin Nuquin Papan Chiaid Esusën chuibampanëdash. Aden chuibansho tantiash: Nuquin Papan Chiaid tantiaquidquio nec, quequin Esus tantiabededpanëdash.

Ducas 4:17

Adec nidtosho issun Nuquin Papan oncamiampid Isayasën dada uampid ambo icquidën Esus menepanëdash. Aden aid meniac sananquin seccuduabanquin isbanec nadec Esus onquepanëdash:

Ducas 4:23

Adoaquien: Bëdanmequid iquec abibi daicsambo yanash bëdanmiadacsho isash: Bëdanmequidquio nec, quequin chiampid mibitedishun tantiapec. Umbi Capednaun yacnoshon nabambued tantiashun: Nëshunquiotsen adombuembidi nabantsiash, ¿quequinda mibitedishun tantie?