Ducas 3:4 - El Nuevo Testamento en matsés

⁴ Ëndenquimboshë Nuquin Papan Uanën nate chuiquin ambi oncamiaid Isayas naden dada uamepampic: Shubu nibëdacno capuquin cumapenen cuënac matses chochosho: Chuiquid tapambo choec, queshun podquied cuembocnoc nacnenacbimbuen: Nuquin Icbombo choeque. Mimbi icsambuen nabanaid ënash bëdambuec tabadta, quequin chuibanendac, quepampic.

Ducas 3:4 Referans Kwoze

Uanën dada uaid 1:23

Nuquin Papan oncamiampid Isayasën naden chiampid nebi. Shubu nibëdacno capucuennequin cumapenen cuënac matses chochosho: Chuiquid tapambo choeque. Podquied nacnenshunta, cacbimbuen Nuquin Icbombo choeque. Mimbi icsambuen naid ënash bëdambuec tabadta, quequin chiendac, campid nebi, quepondash Uan.

Uanën dada uaid 1:7

Uanën chuibanac Esus chote ma matsesën tantianu, quequin Nuquin Papan aidba chuibanquid icmepanëdash.

Mateo 3:3

Aden Uan chote chuiquin naden Nuquin Papan ambi oncamiaid Isayas dada uamepampic: Shubu nibëdacno capuquin cumapenen cuënac matses chochosho: Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin chuibanendac, quequin Isayasën chuipampic.

Madcos 1:3

Aidëmbi shubu nibëdacnoshon cumapenen cuënac matses chochosho: Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin Uan acten mentoanquidën nate Isayasën chuipampic.