Ducas 3:3 - El Nuevo Testamento en matsés

³ Adoac acte Odan caid cuëman capuquimbi naden chuibampanëdash: Mimbi icsambuen naid ënshun Nuquin Papa tantiabenquin acten mentometa. Adosho isash mimbi icsambuen naid tantienquio yec Nuquin Papa bëshunendac, quequin chochoquido Uanën chuibampanëdash.

Ducas 3:3 Referans Kwoze

Ducas 1:77

Adquid icquin nuquin matses chiec: Mibi cuidenquio yec mimbi icsambuen naid tantienquio yec bëshunshun bëdambuen isquin Nuquin Papan mibi abëdi tabadmendac, quequin chuibanquid mibi iquendac, mado.

Hechos 22:16

quequin chuishumbic: ¿Atotsi cainec tsadec ne? Esus tantiabenquin mimbi icsambuen naid chuita. Ma mimbi icsambuen naid tantienquio yec Nuquin Papa bëshunnu. Aden chuitanquin: Nëbi Esus tantiaquid nebi, quequin utsibo ismequin acten mentometa, capondashi Ananiasën.

Hechos 19:4

Adsho tantiashumbien Pabadon: Mimbi icsambuen naid ënta, quequin chiacpaden naquin abimbo tantiaquidtedi Uanën acten mentobampanëdash. Adotanquimbic: Cun tsiuec choquid Esus tantiaquid icta, quequin Uanën chuipanëdash.

Hechos 13:24

Esus chouabicnuc Uan acten mentoanquidëmba isadaidbotedi chuiquin: Nuquin Papa tantiaquin mimbi icsambuen naid ënshun acten mentometa, quequin chuibennepanëdash.

Uanën dada uaid 3:26

Adshumbien Uambëd icquidon: Nuquin chuiquid chiec nidnunid, quianec nidshun Uan chuituidpanëdash: Acte Odan caid ëquëmatsiucshun ¿mitsicquid: Nuquin Papan Chomiaid nec, mimbi cadio? Aidën matses dadpenquio acten mentobanac caosh. Adoac matses dadpenshun tsibanampac caosh,

Mateo 3:11

Adshumbic padpiden chuiquin: Umbi icsambuen naid ënash Nuquin Papa tantiaquid nebi, quequid mibi utsi utsiec icsho acten mentobanquin chuibanquid nebi. Umbi chuibannubi cun tsiuec utsi choshon aidëntsen chuibanendac. Aidi ubi udictsëcquidquio yec nadatiambocquin nabanquid icsho ubi icsaquid icquin abi tapucudaid chicnuec dacuëdtsiabi. Aidi choshon: Ubi tantiaquid nec, queshun cute nëdënquequidbimbuecnuc ismequin aton Mayan Bëda menendac.

Uanën dada uaid 1:28

Acte Odan caid ëquëmatsiucshun ambi acten mentobanondaid shubu dadpen icquid Betania caid yacnoshon aden Uanën padiseobon chomiaido chuipondash.

Ducas 1:16

Nuquin Papan Chiaid tantiaquidquio icquin aidën chiac isadaidbo dadpen Nuquin Papan Chiaid niac niacquid icbuedi: Cun Icbo Nuquin Papa nec. Aidën chiacpadombuen naimbi, quequin tantiabenendac.

Ducas 4:1

Aden Uanën acten mentoac Nuquin Papan Mayan Bëdabëd iquec acte Odan caid yacnouësh pudundoshobi Nuquin Papan Mayanën shubu nibëdacnombo Esus buampanëdash.