Ducas 24:41 - El Nuevo Testamento en matsés

⁴¹ Aden ismiac: Aidquiobi nec, quenquio yec dacuëdcuededquin isequi bëdambo yanec cuishonquec: Adec uincuentequidshenda dectampaccosh, quequin tantiec tabadpanëdash. Adec tabadsho issun: ¿Ada pete iquec? Penu, caquien

Ducas 24:41 Referans Kwoze

Uanën dada uaid 21:5

Adshobini Esusën cuëmpondash: Caniabo ¿tedtsi nuëcquid bedo? cac: Padambo. Nibëdec, capondambi.

Uanën dada uaid 16:22

Adquiecbidi nëbimbobi ubi uënës uasho isash mibitedi natiaquiendac. Adbuedi iuecpactsëcshun ubi padpiden istanec mibi cuishonquendac utsibon ënmetiapimbo yec.

Madcos 16:11

Esus uincuenash capusho isombi, Madia quesho tantiashun: Mua. Aidquio mimbi istiapimbo iquec, quec tantienquio yec tabadcuededpanëdash.

Madcos 16:13

Aden ismiac aid daëdi aucbidi Edusaden yacno niduashun ambi isbued chuituidpanëdash. Aden chiac: Muequi nec, queshun tantienquio icuapanëdash utsibon.

Madcos 16:14

Adashic abëd icquidombo 11ted pec tabadte yacno tabadnubi Esus isadcuempanëdash. Adec isadcuenshun: Uincuenaccosh, quequin ubi isquidon chiaqui tantiate bunenquio mibi iccoque. Chobique. Is, capanëdash.

Ducas 24:11

Aden chuisho tantiash: Mimbi ambembi chuiquin chiaid tantiatiapimbo iquebi, quecuededpanëdash aidotedi.

Ducas 24:40

Aden chuitanquimbi abi bëchun shuin mëtoccaid chiuë aton mëdantebëta aton taë Esusën ismepanëdash.

Ducas 24:42

nuëcquid shëaid bushcu menepanëdash.

Hechos 12:14

Adec choshon Petedombo cuëdsho tantiash bëdamboshë iquec cuishonquequimbi shëcuë shëcnenquio yec aucbidi titinqueshun: Petedo shëcuë cuëman choaccosh, quequin iccuededquido chuituidpanëdash.

Madcos 8:7

Adembidi nuëcquid daëdpactsëcquid bedshun: Mimbi meniaidbidi nëid nec, quequin tantiembi, Papa, queshun: Nëidtsen meneban, Esusën cac menebanuapanëdash.