Ducas 24:27 - El Nuevo Testamento en matsés

²⁷ Adshumbic abi natequid chuibanquin Moisesën dada uampidbëtabi Nuquin Papan oncamiaidon dada uampidtedi tantiamequin Esusën chuibampanëdash.

Ducas 24:27 Referans Kwoze

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Hechos 10:43

Adembidi Nuquin Papan oncamiaidon Esus tantiaquin: Nuquin Papan Chomiaid Quidistu Mesias iquendac, quequin chuiquin dada uapampic. Aden chiampid icnuc aid tantiashouidtsëqui ambi icsambuen naid tantienquio yec Nuquin Papa bëshunendac, quequin chiampid iquec, quepanëdash Petedo Codnedion shubun iccuededquido tantiamequin chiec.

Uanën dada uaid 5:39

Mibitedi nadpec. Nuquin Papan Chiaid nuquin tsusedpabon dada uampid tantiaquidquio nebi. Aid isbanquid yec Nuquin Papabëd ënëdenquio yec tabadtequid nebi, mibi quepec. Ma ubimbo chuiquin Nuquin Papan dada uamiampid neyoc.

Uanën dada uaid 1:45

Esusbëd icquid yanash Natanaed chiec Uedipe nidpondash. Adec nidquin istuidshumbien: Isec cho. Moisesbëtan Nuquin Papan oncamiaidon chuiquin: Bëdamboshëcquid choendac, quequin dada uaquin chiampid iccoshe. En isec cho. Aidi shubu dadpen icquid Nasaded caid yacnouësh caniquid Esus Osen mado nioshe, capanëdash.

Ducas 24:25

Adoaquien Esus: Ma bëdiactsëc tantiaquid mibi daëdi neyoc. Nuquin Papan oncamiaidon dada uampid bëdiactsëc tantiaquin tantiesabidi ma mibi neyoc.

Hechos 7:37

Aidëmbi naden isadaidbo chuipampic: Iuecquio icshun ubipadquid min madon baban tsiuecquido caidaido abentsëc Nuquin Papan oncamiaidquio iquendac, quequin Moisesën chuipampic.

Hechos 3:24

Adombuembidi Samuedën chuibampampic. Adombuembidi aid tsibanquido Nuquin Papan oncamiaid utsibon matsesën nëbi natequid chuibanuapampic.

Hechos 3:22

Adembidi nuquin tsusedpabo Moisesën naden chuipampic: Ambi oncamiaid ubipadquid utsi iuecshun Nuquin Papan chomendac. Aidi isadaidbo nendac. Aid choshon chuibansho tantiashun aidën chiactedi bëdambuen nabanta.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.

Madcos 4:34

Aden utsi chiacbimbuen abitedi chuibanshumbic abëd icquidouidtsëqui bëdambuen tantiamequin cuembo chuibampanëdash.

Uanën dada uaid 5:37

Ubi chiecbidi ubi chomequidtsen Cun Pa abimbo chiec onquepondash. ¿Adembidi Cun Pa onqueshoda tantiadio? ¿Cun Pada istio? Padambo mibitedishun iquec.

Uanën dada uaid 12:41

Nuquin Papabëd Esus bëchamauanquiec tabadsho isnëdaid icquin Isayasën aden aton matsesën Esus tantienquio icte chuipampic.

Hechos 3:18

Adote chuiquin Nuquin Papan: Umbi Chomiaid Quidistu Mesias caid matsesën uënës uaendac, quequin ambi oncamiaidtedi Nuquin Papan dada uamiampicpadembi napondash.

Hechos 8:35

Adoaquien Uedipen: Matses abitedi icsaid bedshunash abided cuidadec uënësaid Esus Nuquin Papa yacno puduedmianquid nec, quequin chuiquin Isayasën dada uampid nec, quequin Etiopia yacnouësh choquid tantiamequin chuipanëdash.