Ducas 23:9 - El Nuevo Testamento en matsés

⁹ Esus chuimenu, quequin Edodesën dadpen chuibampanëdash. Adoaqui Esusën ëcbedenquio icpanëdash.

Ducas 23:9 Referans Kwoze

Mateo 27:14

Esusën ëcbedenquio icuapanëdash. Adsho isash tantiadempambo yec cobednadod Pidato: Adquid isambo iquembi, quepanëdash.

Petedo 1 2:23

Adquid icsho abi chieshënquidon mamënshunaqui cuidquin chushcainquio icpanëdash. Aidon natiamequin mëyanaqui: Mibitsen cuidendambi, cainquio icpanëdash. Adenquio yec nadpanëdash: Nuquin Papan matsesën naidtedi tantiaquid icquin bëdambocquido abëdi tabadmequin icsambocquido cuidquin chian annëdënquiacno ma nidmepanu, quiash chieshëmënenquio icpanëdash.

Hechos 8:32

Nuquin Papan dada uamiampid chiec Etiopia yacnouësh choquid onquesho Uedipen tantiabued naden chiaid nepanëdash: Nëish iua obeca cuessunnemenuen buanac cuëdenquio yacbimbuec onquenquio iquendac. Adecbidi obeca bënë bu datasac cuëdenquio yacbimbuen mëyanaqui onquenquio iquendac.

Ducas 13:32

Adoaquien: Edodes Antipas bëdi chëshëbimbuen ompoquin abi bunaidquio bedquid nec. Aid yacno nidshun Umbi Chiaid naden chuita: Nëbi podobitsi icsa dapuduenmeshumbi utsibo nënquido bëdanmebanembi. Adoshombic Nuquin Papan tantiacpadënquiobi abadiadshun nainendambi, quequin Edodes Antipas chuita.

Mateo 7:6

Adshumbic padpiden chiec: Mimbi Nuquin Papan Chiaid bëdambuen chianniaqui tantienquio icsho chuidonenda. Nuquin Papan Chiaid chuibudaqui tantiatiapimbo icquin niacniacsho issun chuidonenda. Opan abi pemequidi piacbimbuen mibi chieshëntsiashe. Adembidi chanchon aton icbon dashcute paëdacsho bëchish uaquin tintincacbimbuen Nuquin Papan Chiaid niac niactsiashe. Adquid chuidonenda, quepanëdash Esus.

Mateo 27:12

Adnubien Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquid tsësiobon: Esusën icsambuen naosh, quequin Pidato chuipanëdash. Aden chuisho tantiashun Esusën ëcbedenquio icpanëdash.

Madcos 15:5

ëcbedananenquio yec Esus tsadpanëdash. Adec tsadsho isash tantiadempambo yec Pidato tsadpanëdash.

Ducas 23:10

Adnubien nëish iua cuessunneshun pichicaquidon chuiquidobëtan Moisesën chiampid tantiamequidon ambobi tabadquin: Esus icsambocquid nec, quec cumapenec cuëdcuededquin Edodes dadpen chuipanëdash.

Uanën dada uaid 19:9

Adash aton shubu dapan Esusbëdi padpidec pudueduashun Pidaton Esus chuiquin: ¿Mitsimbocquidquio ne? caqui Esusën ëcbedenquio icpanëdash.