Ducas 23:47 - El Nuevo Testamento en matsés

⁴⁷ Adec Esus uënësso isash ambi isbuedtedi tantiaquin Nuquin Papan naid chiec sondadon chuiquid capitan: Abimbo chuiquid niosh. Nëid dada bëdambocquid niosh, quepanëdash.

Ducas 23:47 Referans Kwoze

Madcos 15:39

Aden bëisec nidnubi Esus cumapenec cuëdec uënësso isash: Abimbo chuiquid niosh. Ma nëid dada Nuquin Papan Madombobi nepayoc, quepanëdash Doma yacnocquid sondadon chuiquid capitan caid.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Ducas 23:41

Icsambuen nabansho cuidaid nuqui daëdi nec. Nëid dada icsambuen naisa icshobi cuidenquioctiadquidi naic, quepanëdash.

Mateo 9:8

Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Uanën dada uaid 19:7

Adoaquien isadaidbon chuiquidon Esus bëquidon: Cun matsesën: Nuquin Papa mua uaquid cuessunnequid yendac, cacpadombuen natiadquio iquebi. Nuquin Papan Madombo nebi, quec Esus abibi mua uadoshe. Uënës uaquimbien ictiad, quecuededpanëdash.

Mateo 27:51

Adec Esus uënësnubi Nuquin Papa tabadte shubu dapa yacno: Quënë ëquëduc Nuquin Papa tabadtembo nec, caidën utsi puduednushe, queshun dashcute dapa ënapen icquid dectanaid abucuësh budec tembi daëdquio canchedbudcuempanëdash. Adnubic nidaid ishcudquidën cuënote dapa dadpen cuëshëdbudnepanëdash.