Ducas 23:18 - El Nuevo Testamento en matsés

¹⁸ Mimbi Esus caid uënës uamequin mimbi quënën tsadunmenëdaid Badabas cuëmëdquid chicquin puduenmeta, cabededpanëdash cumapenec cuëdcuededquin.

Ducas 23:18 Referans Kwoze

Hechos 22:22

Aden Pabadon ambi nabanaid chuibansho tantiec iccuededquido otacquio tabadbuedi: Isadaidpembo, quec Pabado onquesho tantiash: Tantiatiapibi. Aid dada padpiden istiapimbo iquebique. Cuessunneta, quec cumapenec cuëdcuededpanëdash.

Hechos 21:36

Aden cadoanquin buansho isash tsiuec chochoec cuëdcuededec abitedi: Aidien cuessunnemetiad, quepanëdash.

Hechos 3:14

Esus icsaisa yec bëdamboshëcquid nec, quequin utsin tantianubi aid bunenquio icquin: Chieshëmënec cuessunnianquid quënën tsadunaid chicquin Esusded cuidta, quequin mibitedishun chuipondac.

Ducas 23:17

Aden chiac naden isadaidbon tantiapanëdash: Setan setanquien icsambocquid cun matses quënën tsadunmiaid abentsëc ambi chicmianniacpaden nëbi adquid utsi Pidaton chicmetsiash, quequin tantiec isadaidbo nadec cuëdcuededpanëdash:

Ducas 23:19

Badabas Doma yacnocquidon chuiquid tapa bunenquio icquin utsibo chieshënmequin utsi cuessunnequid icsho quënën tsadunmiaid nepanëdash.

Uanën dada uaid 18:16

Aden ubi puduedmequimbi Petedo ambi isacmaid icsho puduedmenquio icpondash. Adsho istanquin shëcuë isquid chido chuiquin: Ubëd icquid neque. Shëcneshun. Ma puduednu, capondambi.