Ducas 22:36 - El Nuevo Testamento en matsés

³⁶ Adoaquien: Ënden adquid buanenda, quequin mibitedi chiondaidi nëbi: Ubi nibëdnuc min piucquidbëta shictoadte buanta. Chështe nibëdquid bednu, queshun min piucquid nibëdnuc min dashcute abentsëc menequin chështe bednun adembidi buanta.

Ducas 22:36 Referans Kwoze

Tesadonica 1 3:4

Aden mibëd tabadquin chuidenniondambi. Adsho umbi chiondacpadombuen nuquitedi chieshënquin natiamiondash.

Uanën dada uaid 16:33

Ubi tantiaquin umbi chiacpadombuen naic ubëd abentsëc yacbimbuec natienquio yec tabadec ma bëdambo icnu, quequin tantiaquin dadpen mibi chuibanombi. Nidaidënuësh mibitedi natiec shubitequid iquendac. Adquid icnuc natienda. Chieshëmënquid dacuëdënenda. Mayan Icsa Satanas dëniacquidquio icquin mibi aid iuametiapimbo icquid nebique. Dacuëdenda, quepondash Esus abëd icquido chiec.

Petedo 1 4:1

Utsibon chieshënquin natiamequin aton dada mëyanaqui Esuquidistu chieshtoenquio icpanëdash. Adembidi mibitedi chieshënquin natiamiac chieshtoenda. Aden mëyanaqui icsambuen nate bunenquio mibi iquendac.

Uanën dada uaid 15:20

Iuan aton icbo dëniactiapimbo icquid, quequin umbi chuibued tantiata. Aden umbi Chiaid icnuc ubi chieshëmbocpadombuembidi mibitsen chieshënuaindac. Adembidi umbi chiacpadombuen naquidën mimbi chiacpadombuentsen naindac.

Mateo 10:10

Adembidi pete sandoshon buanenda. Dashcute utsibëta tapucudte utsi sandoshon buanenda. Mibi uidënte cueste buanenda. Adec mëdadauidquio chosho issun mimbi chuibanaidon: Mibi bëdambo iqueque. Ubi yacno ushquin pec cho, mibi cac bëdambo ictsiash. Adembidi: Mitsana nibëdsho issun: Mibi menenu, cac bëdambo ictsiash.

Ducas 22:35

Aden chuishumbic abëd icquido chuiuaquin: Min piucquid yec min shictoadte yec min dashcute utsi yec min tapucudte yec quenuc buanenquio yec nidanneta, umbi cac nidanniash ¿mibitedi bunecta tabado? capanëdash Esusën. Adoaquien: Padenquio, quepanëdash abëd icquido.

Ducas 22:37

Nuquin Papan ubi nate chuiquin dada uamiampid nad iqueque. Tantia. Chuinu: Icsambocquid danquin icsambocquidbëta uënës uaindac, quepampic. Aden chuiquin dada uamiampicpadombuen nëbimbobi nainquin ubi uënës uamendac, quepanëdash Esus.

Ducas 22:38

Adoaquien abëd icquidon: Në chështe daëd iqueque. Is Icbo, capanëdash. Aden abëd icquidon tantienquio icquin abi chuisho tantiashun: Padi. Aidtedi, quepanëdash Esus.