Ducas 21:17 - El Nuevo Testamento en matsés

¹⁷ Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Ducas 21:17 Referans Kwoze

Uanën dada uaid 15:19

Ubi tantiesabo icsho ubi chieshënquidon mibitedi bëdambuen istsiandac. Adquid iccondaidi umbi: Cho, cac ubi tantiaquid mibitedi yampondac. Adquid icsho mibitsen chieshënendac.

Ducas 6:22

Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Codinto 2 12:10

Aden tantiec cun dada icsambo icnubi bëdambo icquin abi Esuquidistu chuibennec capuebi. Icsambuen chuiquin mamënshunaqui abi Esuquidistu chuibennec capuebi. Bunequi adecbidi capuebi. Utsin: Mibi natiamequin ënmembi, caqui adquiecbidi abi Esuquidistu chuibennec capuebi. Utsin natiamequin mëyanaqui adquiecbidi capuebi. Adquid icnuc umbibi natiapimbo icsho issun Nuquin Icbon nadatiambocquin namiac ëntiapimbocquin chuibennec capuebi.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Esusën Uan ismiaid 2:3

Adembidi utsibon chieshënquin natiamiaqui chieshtoenquio icquin Umbi Chiaidbëta Umbi naid mimbi chuibanoc.

Pidipos 1:29

Esus tantiaquido icsho natiamiaqui mibitedi bëdambo iquendac. Adecbidi Esuquidistu tantiec bëdambo icuaindac.

Codinto 2 4:11

Adembi Esuquidistu chuibansho chieshënquin uënës uatsiashi, quequin tantiaquimbi abi chuibennec nebi. Esusën ubëd icquin chieshtomenquio icquin dayacquio icmiac chuibansho utsibon adembidi tantiabededec.

Uanën dada uaid 17:14

Mimbi chiaidquio nëido chuibanombi. Aden umbi chuibanac ubi tantiaquid icsho ubi chieshënquidon nëidotsen chieshënendac, Papa.

Madcos 13:13

Esus tantiaquid nec, queshun matses dadpenshunquio mibitedi chieshënendac. Adoaqui chieshtoenquio icquin ubi tantiaquid icsho Nuquin Papa yacno tabadmendambi.

Mateo 24:9

Adashic abi onquec: Umbi chiacpadquio yannuc chieshëmënquidon ubi tantiaquid icsho mibitedi bedshun utsi utsien mëyanmendac. Utsi utsien cuessunnemendac. Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Mateo 10:22

Esus tantiaquid nec, queshun matses dadpenshun mibitedi chieshënendac. Adoaqui chieshtoenquio icquin ubi tantiasho Nuquin Papan abi yacno mibi tabadmendac.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Uanën dada uaid 7:7

Mibitedi ubi tantiesabon chieshëntiapimbo iquec. Ubien chieshënondash. Nuquin Papan Chiaid niac niacquin mimbi icsambuen naic, umbi cac chieshënondashi.

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Ducas 21:16

Adembidi ubi tantiaquid icsho min shubun icquidëmbi mibi bedmeshun cuidnuequid yacno buanshun: Cuidquin cuessunneta, caindac. Aton papambi adoendac. Animbi aton mado adembidi adouaindac. Aton buchimbi aton utsi adouaindac. Aton chuchumbi aton chibi adouaindac. Abëd tantiananquidëmbi adouaindac. Utsi utsien mibitedi cuessunnendac.

Ducas 21:18

Aden chieshënquin: Mibi cuessunnemenu, cac dacuëdenquio yec: Esus tantiaquid nebi, quequid icta. Adquid yec uënësash ënëdenquio yec Nuquin Papabëd mibi tabadendac.