Ducas 21:15 - El Nuevo Testamento en matsés

¹⁵ Umbi tantiamiacpadombuen mimbi bëdambuen chuibanendac. Adoac: Icsambocquid mibi nec, quetiapimbo yec mibi chieshënquido tabadendac.

Ducas 21:15 Referans Kwoze

Epeso 6:19

Ubitsen tantiaquin Nuquin Papa chianneta. Dacuëdmenquio icquin mimbi tantiamiacpadombuen chuibanquidquio icme, quequin chuita. Adoac ambi oncamiacpadombuen ambi matses tantiamenquio icpampidi nëbi Nuquin Papan tantiamec, quequin tantiabicquido Esus chuibanendambi.

Ducas 12:12

Aden buanshun chuimeshobi Nuquin Papan Mayan Bëdan: Naden chuiban, quequin mibi tantiamendac, capanëdash Esusën abëd icquido chuiquin.

Hechos 6:10

Adoaquien Esteban Nuquin Papan Mayan Bëdan bëdambuen tantiamiaid yec bëdambuec onquesho aidon ënmetiapimbo icpanëdash.

Ducas 24:45

Aden chuishumbic abëd icquido bëdambuen tantiamequioquin:

Santiaco 1:5

Bëdambuen tantienquio iquembique. Ubi dadpen bëdambuen tantiaquid icmeta, quequin Nuquin Papa chuita. Aden abi chuisho: Ma bëdambuen tantianu, queshun chushcainquio icquin mibi dadpenquio bëdambuen tantiamendac.

Hechos 26:28

Adoaquien Aquidipa: ¿Mimbi chuibuedtedtsëqui tantiashtabi badedquio Esus tantiaquid yampe? quepanëdash Pabado chiec.

Hechos 24:25

Aden chuibanquin nadembidi chuiuapanëdash: Icsambuen nainquio yec utsibobëd bëdambuec tabadta. Adembidi: Icsamane, quequin Nuquin Papan chiacpadenuidi nabanquin mibi bunaid nainquiocquin ënta. Adembidi Esus tantienquio icsho chian annëdënquequid Nuquin Papan nësecanushe, quequin Esus tantiata, quequin Pabadon chuibampanëdash. Aden chuibanac dacuëdtanec: Umbi nabante nibëdnuc padpiden mibi chuimenuen chomeuaimbique. Nidec nid, capanëdash Uedisën.

Hechos 2:4

Aden Nuquin Papan: Ma nëidobëd tabadnu, queshun Aton Mayan menebanac abi onquiacmaid matses utsin onqueten onquetenquiec ambi matsadtomiaidotedi onquecuededpanëdash.

Ducas 21:16

Adembidi ubi tantiaquid icsho min shubun icquidëmbi mibi bedmeshun cuidnuequid yacno buanshun: Cuidquin cuessunneta, caindac. Aton papambi adoendac. Animbi aton mado adembidi adouaindac. Aton buchimbi aton utsi adouaindac. Aton chuchumbi aton chibi adouaindac. Abëd tantiananquidëmbi adouaindac. Utsi utsien mibitedi cuessunnendac.