Ducas 20:35 - El Nuevo Testamento en matsés

³⁵ Uincuenmete uëshë choan uincuenmeshun Nuquin Papan bëdambuen isaido yec aidbëdi tabadquin dadan chido bedtiapimbo iquendac. Adembidi chidon dada bedmetiapimbo iquendac.

Ducas 20:35 Referans Kwoze

Tesadonica 2 1:5

Adec chieshtoenquiocquid icquin nuquitedi naden tantiec. Ubi chieshtomenquio icquid abitedishun naid tantiaquidquio nec. Adquid icquin icsambo icquido cuidquimbi bëdambocquido Nuquin Papan bëdambuen isec, quequin nuqui tantiec. Adec chieshtoenquio icquin Esus tantiasho utsibon chieshënquin natiamiaid icsho Nuquin Papan: Aido umbi namiacnombo chomeshun ubëdi tabadmendambi, caindac.

Uanën dada uaid 5:29

Adec uincuenacsho ubi tantiaquido ubëdi tabadmequimbi ubi tantiesabo icsho icsambuen naquido cuidacno nidmendambi.

Mateo 12:32

Ubi Matsesën Tishaid icshobi chieshënquin icsambuen chuishunquidëmbi ënsho isash aidën icsambuen naid tantienquio yec Nuquin Papa bëshunendac. Padnuen Aton Mayan Bëdan namesho issumbi: Icsambo iquec, quequin icsambuen tantiaquin chuishunsho issun aidën icsambuen naid tantiec Nuquin Papa bëshuntiapimbo iquendac. Nëbi bëshunenquio icashic adecbidi iuecash bëshuntiapimbo iquendac, quequin Esusën chuipondash.

Hechos 24:15

Adembidi matses uënësacsho Nuquin Papan bëdambocquidobëta icsambuen naquido uincuenmendac, quequin Nuquin Papan oncamiaidon chiampicpadembidi tantiembi.

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Esusën Uan ismiaid 3:4

Mibi yacno matses daëdpactsëc aton dashcute bëchish ucacbimbuen ambi icsambuen naid ënash icsainquio yec bëdambuec tabadquid iquec. Adquido icsho issun ubëdi tabadmequin dashcute ushumbocquid dasiuinquin icsaisa icmendambi.

Ebedeo 11:35

Adembidi chidobon abi tantiaquid icquin aton matses uënësaid icsho Nuquin Papan uincuenmeshunac bedpampic. Adembidi tantiaquid utsibo: Nuquin Papa tantiesa nebi, camenu, quequin mëyanquiaqui chieshtoenquio icquin Nuquin Papa tantiec: Aid yacno nidebi, quiash uënëspampic.

Madcos 12:24

Adoaquien Esusën: Mibitedishun icsambuen tantiec. Nuquin Papan Chiaidquio tantienquio icquin Nuquin Papan nadatiambo icquin nabanquin uincuenmete mimbi tantienquio iquec.

Mateo 22:29

Adoaquien Esusën: Mibitedishun icsambuen tantiec. Nuquin Papan Chiaidquio tantienquio icquin Nuquin Papan nadatiambo icquin nabanquin uincuenmete mimbi tantienquio iqueque. Tantia. Chuinu.

Madcos 10:42

Adec tabadshobien: Nëmbo chocho, capanëdash Esusën. Adoac chochoacsho: ¿Mitsipad matses utsi isadaidpembon chuiquid tapa icpec? Aton chuiquid tapan badedbadedquien ancabudac dacuëdquin aton iuabon badedi naic. Aden chuiquidën: Baded nata, quequin namebanec, quequin mibitedishun tantiec.

Ducas 16:8

Adoacsho tantiashun icbon: Cun piucquid icsambuen dayun uaquidën ambi naid tantiaquidquio nec. Cun icbon nidmiacsho umbi nashunaidon ubi bëdambuen isquin iuedtsiash, quepec. Aden Nuquin Papa tantiesabon aton piucquid bednuen ambi naid tantiaquidquio nec. Padnuen Nuquin Papa tantiaquidën aton piucquid bedte bëdiactsëc tantiatsec.