Ducas 2:25 - El Nuevo Testamento en matsés

²⁵ Adnubien Edusaden yacnocquid Simeon cuëmëdquid Nuquin Papan: Naden nata, quequin Moises chiampid tantiaquin naquidquio icpanëdash. Aidi isadaidbon chuiquid tapa abentsëcquiobi Nuquin Papan Chomiaidquio cainquidquio icpanëdash. Aidi Nuquin Papan aton Mayan Bëda meniaidquio nepanëdash.

Ducas 2:25 Referans Kwoze

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Ducas 2:38

Ambo icnubi Esus bësho issun: Nuquin Papa bëdambo iquec, quequin Anan Nuquin Papan oncamiaid icquin naden chuipanëdash: Isadaidbo Edusaden yacnocquido utsibon iuabo icsho nëidën iuapenquio icmendac, quepanëdash Ana Esus caic.

Madcos 15:43

Aidi isadaidbon chuiquid tapa utsibobëd iccuededquid abentsëc Ose cuëmëdquid shubu dadpen icquid Adimatea caid yacnoshon tishaid yec: Ubi uënësabicnubi ma Nuquin Papan abitedishun Icbo icquin ambi namiacnoshon chomiaidën abitedi namete iquec, quequin cainquid yec dacuëdenquio iquec Pidato chiec nidpanëdash. Adec nidshun: Esusën dada bedshun chococate bunebique. ¿Ada ubi buanme?

Ducas 1:41

Adsho Isabedën tantianubi aton bacuë cumapenec cuididiquepanëdash. Adec aton bacuë cuididiquenubi Nuquin Papan Mayan Bëdan tantiamiacpadec Isabed

Petedo 2 1:21

Ambembi chiec onquenquio icquin Nuquin Papan oncamiaidon chuibampampic. Nuquin Papan Mayan Bëdan tantiamiac abimbo aidon chuipampic.

Hechos 24:16

Aden tantiaquin Nuquin Papan: Bëdambuen mimbi naic, ma ubi canu, queshun bëdambuen nabanec tabadebi. Adembidi matsestedishun: Bëdambuen mimbi naic, ma ubi canu, queshun adombuembidi bëdambuen nabanec tabadebi.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 10:2

Aidi aton shubun icquidobëd Nuquin Papa tantiaquid icquin isadaidbo atona nibëdquid icsho issun meniannequid nepanëdash. Adecbidi Nuquin Papa chiec onquiannequidquio nepanëdash.

Ducas 1:67

Adnubien Uanën papa Sacadias Nuquin Papan Mayan Bëdan oncamiac naden aton mado Uanën nate chuipanëdash:

Hechos 2:5

Aden Nuquin Papan aton Mayan menenubien isadaidbo utsibo Edusaden yacno chochoash dadpen tabadpanëdash. Aido Esus tantiesabo iquequi aton tsusedpabon chiampicpaden nanuec nidaid utsi utsiec yacnouësh Edusaden yacno chochoaido icpanëdash.