Ducas 2:21 - El Nuevo Testamento en matsés

²¹ Adnubien 7tedec ushtanquin aton madon shui dëbid dëtemeshun Nuquin Papabëd icquidënquio abi bacuë usundoabicsho chuibocpadombuen Madian aton mado Esus cuëmpanëdash.

Ducas 2:21 Referans Kwoze

Ducas 1:59

Adnubien 7tedec ushtanquin Isabedën: Cun madon shui dëbid dëtemetannu, quec nidpanëdash. Adanec puduedacsho: Bacuëmpi aton papa Sacadias cuëmëdquidi cuënnuna, quesho tantiashun

Ducas 1:31

Tantia. Chuinu. Bacuë usundoshon mimbi min mado tishendac. Tishshun Esus cuënta.

Pidipos 2:8

Matses iuabimbuecquid yampanëdash. Adash aton Papan chiacpadombuen nabanequi uënëspanëdash. Cueste napotiaidën dectanquin uënës uapanëdash.

Mateo 3:15

En na. Bëdambo iquec. Ubi mentoquin mimbi Nuquin Papan chiacpadombuen bëdambuen natsiaque. Ubi acten mento, quesho tantiashun Esus mentopanëdash Uanën.

Mateo 1:25

Aden buanshun Osen chudabi Madian aton bacuë tishpanëdash. Tishacsho Esus cuëmpanëdash.

Mateo 1:21

Adoshombic dada bacuë tishacsho Esus cuënta. Aidëmbi matsesën icsambuen naid bedshunquin Nuquin Papa aton matses cuidmenquio iquendac, quequin Esus cuënta, quequin Nuquin Papabëd icquidën Ose ushquin ismepanëdash.