Ducas 18:32 - El Nuevo Testamento en matsés

³² Adoshombic isadaidbon isadaidpembo menendac. Aden meniac bedshun mamënshumbededquimbi icsambuen chuishunquin bëpishtucaindac.

Ducas 18:32 Referans Kwoze

Ducas 23:11

Adoshombic Edodesën aton sondadobëtan Esus icsambuen chuiquin mamënshumbededtanquin chuiquid tapabimbuec isadnuc dashcute dapa dasiuinshumbic Pidato yacno Esus buanmeuapanëdash.

Hechos 3:13

Aidi Abadauan yec Isac yec Acobo yec nuquin tsusedpabo yec quequidon Papa campidën naid nec. Aidëmbi ambi nidaidën chomiaid icsho Esus nëbi abitedishun Icbombo icmiac Nuquin Papan dayun tabaduaic. Aidi Aton Papa yacno nidabicsho bedmeshun Pidato meniaquien: Nëid dada icsambuen naisa neque. Nidmenu, quequin tantiaquin Pidaton chiaqui: Icsambocquid neque. Uënës uamequimbien ictiad, quequin mibitedishun chuipondac.

Madcos 14:65

Adshumbic utsibon Esus bëpishtucaquin tauapanëdash. Adotanquin dashcuten bëpucshun cuestanquimbi: ¿Tsuntsin mibi cuesoshe? Cumapenen tantiaquidquio icquin en ubi chui. Tantianu, capanëdash Esus chuiquin. Adoshobi Nuquin Papan shubu dapa isquid sondadon mëdanten bëcuespanëdash.

Mateo 26:67

Adshumbien Esus chieshënquin bëpishtucatanquin mëshëbudtanquin mëdanten bëse bësepanëdash. Bëse bësesho istanquin utsibontsen istiapimbo icnuc Esus dashcuten bëpuctanquin mëdanten tancues tancuespanëdash.

Mateo 16:21

Adshumbic Esusën tauaquin abi uënës uamete abëd icquido naden chuipondash: Shubu dadpen icquid Edusaden yacno nidendabi. Amboshon nuquin matsesën ubi chieshënquiendac nëidtedshun. Nëidic nuquin matses tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedishun mëyanquioquin ubi uënës uamendac. Adoacsho chococac daëdec ushash uincuenendabi, quequin chuipondash.

Hechos 2:23

Aidi Nuquin Papan ëndenquimboshë tantiampicpaden bedmeshun mëyanmequin: Uënës uata, cac Nuquin Papa tantiesabo matses icsambocquidën cueste napotiaidën dectanquin uënës uapondash.

Uanën dada uaid 18:35

Adoaquien Pidaton: ¿Isadaidbodabi nedi? Padenquio. Min matsesën chuiquid tapabobëtan nëish iua cuessunneshun pichicaquidon chuiquidon mibi nëmbo bëosh. ¿Atotsi icsambuen nasho issun nëmbo mibi bëosh? caquien

Uanën dada uaid 18:30

Adoaquien bëquidon: Bëdambocquid icsho mibi ismenuen aden bëenquio ictsenombi, quepanëdash cun matsesën chuiquido.

Uanën dada uaid 18:22

Adsho tantiashun: ¿Chuiquid tapada aden chuipaic? quetanquin Nuquin Papa tabadte shubu dapa yacnoshon isquid sondadon mëdanten Esus tancuespondash.

Ducas 23:35

Adnubien matses dadpen isec tabadnubi isadaidbon chuiquido isec tabaduaquin icsambuen chuishunquin mamënshumbededec: Utsi utsien bëdanmequidquio yec abibi budsho isnu. Adsho issun Nuquin Papan Chomiaidquio Quidistu ambi tantiaidquio nec, catsiambi, quec onquecuededpanëdash.

Ducas 23:1

Aden chiec Esus muequi nec, queshun isadaidbon chuiquidotedishun Pidato yacno Esus buampanëdash.

Mateo 27:2

podo cataneshun Doma yacnocquid chuiquid cobednadod Pidato cuëmëdquid yacno Esus buampanëdash.

Uanën dada uaid 18:28

Adnubien badiadnuc Caipasën aton chuiquid utsibobëtan aton matses iuaquido Doma yacnocquidon chuiquid cobednadodën shubu yacno Esus buampondash. Buanashic: Matses utsin shubun puduedshun mishtemaid mishash tsusedpabon aton mado uënës uamenquio icquin obeca caniactsëc cuessunniampid tantiate uëshë tantiec cun matsesbëtan pebededtiapimbo icmane, quiash aidën shubun puduedenquio icpondash.

Madcos 15:1

Badiadbudnubi isadaidbon chuiquido nëidted iccuededpanëdash. Nëidic Nuquin Papa ismequin nëish iua cuessunneshun pichicaquidon chuiquido. Nëidic Moisesën chiampid tantiamequido. Nëidic isadaidbon chuiquid tsësiobo. Aidtedi iccuededec onqueshun Esus mëtaneshun buanshun Doma yacnocquidon chuiquid cobednadod caid Pidato cuëmëdquid menepanëdash.

Mateo 20:19

matses utsibo isadaidpembo ubi menendac. Aden meniac aidon mamënshunquin ubi cueshcanten cumapenen cacuesendac. Adshumbic ubi uënës uanuen cueste napotiaidën dectanendac. Aden uënës uaqui daëdec ushash uincuenendac, quequin Esusën abi uënës uate padpiden chuiuapondash.

Mateo 22:6

Utsibombic abi: Pec cho, cashobi iuabo bedshun mëyanquioquin cuessun secaposh.

Ducas 18:33

Adoshombic cueshcanten cacuestonequin mëyanshun cueste napotiaidën dectanquin uënës uaindac. Adoac daëdec ushash uincuenendac, quepanëdash Esus abëd icquido chiec.

Uanën dada uaid 18:32

Ënden aton matses chuiquidon bedabi icquin Esusën: Ubi cueste napotiaidën dectanquin uënës uamendac, quequin abi uënës uamete chuipanëdash.