Ducas 18:1 - El Nuevo Testamento en matsés

¹ Adshumbic Esusën: Ma ubëd icquidon chieshtoenquio icquin Nuquin Papa chiannenu, quequin tantiaquin utsi chiacbimbuen naden chuipanëdash:

Ducas 18:1 Referans Kwoze

Codosas 4:2

Esuquidistu tantiaquido icquin Mayan Icsa Satanasën chieshtomenushe, queshun ënenquiocquin Nuquin Papa chianneta. Aden chianniac Nuquin Papan nasho issun: Mimbi naid bëdambo iquec, Papa, quequin Nuquin Papa chianneta.

Doma 12:12

Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.

Tesadonica 1 5:17

Adembidi ënenquio icquin Nuquin Papa chianneta.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Cadasia 6:9

Umbi aden chuisho tantiashun chieshtoenquiocquin bëdambuen naic tabadta. Adec tabadsho issun ambi tantiacpadën Nuquin Papan nuqui bëdambo icmequin menendac.

Codinto 2 4:1

Nuquin Papa bëdamboshëcquidën ubitedi bëdambuen isquin: Esuquidistu chuibenneta, caid icquin chieshtoenquio icquin aidi chuibanquido ubitedi nec.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.