Ducas 17:16 - El Nuevo Testamento en matsés

¹⁶ Esusën tayun dannëshën sebudash nidaidën bëccuësquebudash: Mimbi bëdanmeboc bëdambo iquebi, quepanëdash Esus caic. Aidi Samadia yacnocquid isadaidpembo nepanëdash.

Ducas 17:16 Referans Kwoze

Mateo 10:5

Adshumbic nadembidi ubitedi chuipondash: Nëbi mibitedi nidmembique. Umbi chiacpadombuen chuibennenuec nidshun isadaidpembo chuibanenda. Aido yacno nidenda. Nidaid cuëshë Samadia yacnocquidon shubu datambidanec nidta.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.

Esusën Uan ismiaid 5:14

Adsho tantiashien 4ted dadanobi ëshëcquido: Ai, abimbo caic, quec Amen, quenubi tsësiobo 24ted icquido: Nuquin Icbo bëdamboshë iqueque. Ismenuna, quetanec Nuquin Papabëta Obecabimbuecquid ismec dannëshën tinquebudcuededposh.

Esusën Uan ismiaid 4:10

tsësiobo 24ted tabadquidotsen aid ismec dannëshën tinquebudcuededec nidaidën bëccuësquebudcuededposh. Adtanquimbic mauete chicbededtanquin Nuquin Papan tayun sambededposh: Abitedishun Icbombo mibiuidtsëqui nec, quequin. Adotanec aidotsen naden chiec cuëdënuaposh:

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Uanën dada uaid 4:9

Acte bec cho ¿quecta ique? Ma mibi isadaidbo nepayoc. ¿Adquid icquimbida: Acte bec cho, ubi cai? capanëdash chidon. Samadia yacnocquidbëd onquesambo isadaidbo nec, quequin tantiec adpanëdash chido.

Uanën dada uaid 8:48

Aden Esusën chuisho tantiashumbien cun matses isadaidbon chuiquidon naden chuipondash: Ma mibi Mayan Icsa Satanasën iua dapuduedash neyoc. Samadia yacnocquidobimbuec icsamboshë ma mibi iqueyoc, quequin ubitedishun abimbo caimbi, capondash.

Uanën dada uaid 5:23

Adquid icnuc: Matsesën: Nuquin Papa bëdambo iquec, quequin ubi tantiaquin ma cun Madotsen bëdambuen tantianu, queshun aden matses cuidte chuiquid icmiondashi. Ubi adquid icmiondaid icsho ubi tantienquio icquidon ubi chomiondaid Cun Patsen tantienquio iquec.

Ducas 5:8

Aden isanec Esus yacno choequi dannëshën sebudec shuebudshun Simon cashumbic Petedo caidën: Icbo, ubëd iquenquio yec nidta. Icsambuen naquid nebique, capanëdash Esus chuiquin.

Madcos 5:33

Aden bëisbannubi: Umbi mishboc nec, quenquio yec chido bëdambued dacuëdec uëdëquec choequi: Mibi nadatiambocquin naquidquio nec, quequin tantiec Esusën taëno dannëshën sebudshun abi mishec bëdambued Esus chuipanëdash.

Mateo 2:11

Adash shubun puduedshun isaquien aton tita Madiabëd bacuëmpi iquec. Aid isashic: Matses chuiquid tapa ictequid nec. Matses bëdambo icmetequid nec, quequin aton matsesën nacpadombuen ismec danëshën sebudpanëdash. Adshumbic ambi bëbued atona bëdambocquid chicshun menepanëdash nëidtedi. Nëidic shocosh bëshpiu bëshpiupactsëcquid odo caid. Nëidic bëdambo nuadnuc pichicatequid. Nëidic bëdambo nuadec danoshquete mida caid. Aidtedi menepanëdash.

Ducas 17:17

Aidën aden chiaquien: ¿10tedidambi bëdanmepo? ¿Ma utsibo 9ted? quepanëdash Esus dëbidiadanec chobued caic.

Codinto 1 14:25

Adash: Nëbi Esus tantiate bunebi, queshun ambi icsambuen naid chienquio icbuedëmbi aidtedi chuibanash dannëshën tinquebudshun: Nuquin Papa bëdambo iquec, quequin chuitanec: Abimbo caic. Mibitedibëd Nuquin Papa iquec, quequin Esus tantiaquid yanshun chiendac.