Ducas 16:29 - El Nuevo Testamento en matsés

²⁹ Adoaquien: Nuquin Papan Chiaid Moisesën dada uampidbëta Nuquin Papan oncamiampidon dada uaid issun ma aidon chiacpaden min utsibon tantiashun napanuna, quequin Abadauanën chuiposh.

Ducas 16:29 Referans Kwoze

Hechos 15:21

Naden tantiaquin aden chiombi: Ënden shubu dadpen icquid yacnoshon yacnoshonquien Nuquin Papan Chiaid chuibante shubunshun Moisesën dada uampid chuibansho isadaidbon tantiadednepampic. Nëbi adombuembidi chonoadtemaid uëshën uëshënquien Moisesën dada uampid chuibansho tantiauapec, quepanëdash Santiaco iccuededquido chiec.

Ducas 24:27

Adshumbic abi natequid chuibanquin Moisesën dada uampidbëtabi Nuquin Papan oncamiaidon dada uampidtedi tantiamequin Esusën chuibampanëdash.

Ducas 16:16

Adembidi acten mentoanquid Uan tishabicnuc Nuquin Papan: Naden nata, quequin chiaid Moisesën dada uampidbëta Nuquin Papan oncamiaidon dada uampid mimbi ënden tantiondaid nec. Nuquin Papan namiacno tabadte iquec, quequin Chiaid Bëda umbi chuibansho tantiash ubi tantienquio yequi dadpen ambo puduedte bunquiec.

Ducas 4:17

Adec nidtosho issun Nuquin Papan oncamiampid Isayasën dada uampid ambo icquidën Esus menepanëdash. Aden aid meniac sananquin seccuduabanquin isbanec nadec Esus onquepanëdash:

Cadasia 4:21

Moisesën chiampiduidi naquin Nuquin Papa bëdambuen ismembi, quequido icquin Nuquin Papan Moises chiampid chuisho ¿bëdambuen tantiamboda ique?