Ducas 15:6 - El Nuevo Testamento en matsés

⁶ Shubuno choshon abëd nashunnanquidobëta aton shubu anoentsëc icquido chomeshun chiec: Cun obeca bënnudacbuedi istuidshun bedbosh bëdambo iquebique. Aid tantiec cuishonquec tabadec cho, quequin icbon chuipec.

Ducas 15:6 Referans Kwoze

Ducas 15:10

Adecbidi matses abentsëcshun ambi icsambuen naid ënquin Nuquin Papa tantiabensho isash Nuquin Papabëd icquido: Bëdambo iquebi, quec cuishonquecuededquiendac, quepanëdash Esus.

Ducas 15:24

Cun mado uënësacbimbuec icbuedi nëbi ubëdi tabaduaic. Aidi bënnudacbimbuec icbuedi nëbi istuidacbimbuec choash iqueque, cac bacan bacuë bënë nuambo tsënënaid cuessunneshun codocacsho cuishonquec tabadquin pebededposh.

Petedo 1 2:25

Ënden mibitedi obeca nëish iua bënnudacbimbuec tabadpondac. Adquid icbuedi nëbi mibitedi icbon aton iua istuidshun dayun uacbimbuen abi tantiasho Esuquidistun bëdambuen isquin dayun uaindac.

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Uanën dada uaid 15:14

Umbi chuibued tantiaquin nabansho mibitedi cun utsibo caimbi.

Uanën dada uaid 3:29

Aden umbi chuibuedquio nec, quiash Esus chosho istanec cuishonquepobi. Cun matses aton chido bedmiombi, quiash cuishonquiacbimbuec cuishonquepobi. ¿Aden chido bedmequidën: Min bënëbëd nidenda, caquinda ictiosh? Padenquio. Bënëbëd nidmiash bëdambo yacbimbuec Esusbëd matses dadpen nidanniosh, quesho tantiash bëdambo iquebi.

Ducas 15:7

Adecbidi: Nuquin Papa tantiaquid yec bëdambo iquebi, quequid 99ted icsho isash bëdiactsëc cuishonquenuc matses icsambuenshë naquid abentsëcshun ambi icsambuen naid ënquin Nuquin Papa tantiabensho isash abucuësh Nuquin Papabëd icquido: Bëdamboshë iquebi, quec cumapenec cuishonquecuededquiendac, quepanëdash Esus.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.

Tesadonica 1 2:19

Nuquin Icbo Esuquidistu choan aidbëd tabadquin ¿tsutsimbi ispatsia? ¿Tsutsi isashini cuishonquepatsia? ¿Tsutsi issumbimbi: Is. Umbi chuibanac Esus tantiabenondaido neque, capatsia? Mibi issumbimbi adoendac.

Pidipos 4:1

Tantia, cun utsibo, umbi tantiaidquio icsho mibitedi chuinu. Mibi iste bunquiebi. Umbi chuibanac Esus tantiabensho isash bëdamboshëcquid meniacbimbuec cuishonquiondabi. Ubi yacpaden chieshtoenquio icquin Nuquin Icbo Esus tantiec bëdambuec tabadta.

Pidipos 1:4

Aden mibitedi tantiaquin Nuquin Papa chiannec cuishonquebi.

Ducas 1:58

Aden bacuë tishenquio icbuedëmbi Nuquin Icbon bëdambuen isaid icquin nëbi aton bacuë tishosh, quesho tantiash aton matsesadobëd shubu utsin icquidotedi Isabedbëd cuishonquec bëdambo icpanëdash.

Ducas 15:5

Aidi nibënquin istuidash: Cun obeca istuidbosh bëdambo iquebi, queshun chiadquin icbon bëec.