Ducas 15:5 - El Nuevo Testamento en matsés

⁵ Aidi nibënquin istuidash: Cun obeca istuidbosh bëdambo iquebi, queshun chiadquin icbon bëec.

Ducas 15:5 Referans Kwoze

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ducas 19:9

Adoaquien Esusën: Chian annëdënquequid yacno nësecatsembuedi aton tsusedpa Abadauanën tantiampicpaden tantiaquid yanacsho Saqueobëta aton shubun icquido mënchicaid nëbi iquec.

Ducas 23:43

Adoaquien: Abimbo chuinu. Tantia. Nëid uëshëmbi abuc ubi bëdambuec tabadacno ubëdi mibi iquendac, quepanëdash Esus abëta dectambued abentsëc chiec.

Ducas 15:32

Min utsi uënësacbimbuec icbuedi nëbi choash tabaduaic. Aidi bënnudacbimbuec icbuedi nëbi istuidacbimbuec chosh, quequin aton papan aton mado bëyucquid chuiposh, quepanëdash Esus.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Timoteo 2 2:26

Aden Nuquin Papan Ambi Chiaidquio tantiamiac Esus tantienquio icbuedëmbi Esus tantiabenshun abi iuaquid Mayan Icsa Satanasën icsambuen namiacpadombuen nabuedëmbi ënendac.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Epeso 3:7

Aden Nuquin Papa nadatiambocquid icquin ambi cuidenquio yaid icshobi ubi tantiaquin bëdambuen isquin Esusën naid chuibanmequin Nuquin Papan nadatiambocquin namiaid nebi.

Epeso 2:10

Nuquin Papan uaido nuqui nec. Adoshon Aidënquiobi nuquitedi Esus tantiaquido icmiac. Aden chucauaido yec bëdambuec tabadquin utsibo tantiaquin nashunquid nuquitedi nec. Nuquin Papa ëndenquimbo: Ma utsibo nashunnu. Esuquidistu tantiaquido icmendambi, quepampic.

Uanën dada uaid 15:11

Ubi cuishonquiacpadquiecbidi ma ubi tantiaquido cuishonquequiono, queshun aden mibi chiombi, quepondash Esus abëd icquido chiec.

Ducas 15:4

¿Min obeca 100ted icbuedi abentsëc bënnudacsho issun: Nibëntannu, quequin min obeca utsi 99ted nianquin istuidnuen nibënec nidenquioda mibitedi ictsia?

Ducas 15:6

Shubuno choshon abëd nashunnanquidobëta aton shubu anoentsëc icquido chomeshun chiec: Cun obeca bënnudacbuedi istuidshun bedbosh bëdambo iquebique. Aid tantiec cuishonquec tabadec cho, quequin icbon chuipec.