Ducas 15:13 - El Nuevo Testamento en matsés

¹³ Aden meniac iuecpactsëc ushshun utsibo tied menequin piucquid dadpen aton mado tsiuecquidën bedposh. Adshumbic atonatedi sandoshon buanec nidaid utsi yacno nidash icsambuenuidi nabanec tabadnuc aton piucquid naimëdposh.

Ducas 15:13 Referans Kwoze

Ducas 16:19

Adshumbic utsi chiacbimbuen Esusën naden chuipanëdash: Dada atona dadpen icquid dashcute bëdaidquio dasiuidquidën badiadquidën badiadquidënquien utsibo dadpen chochomeshun nua pemeshun acmededneposh.

Ducas 16:1

Adshumbic abëd icquido Esusën naden utsi chiacbimbuen chuiuapanëdash: Dada atona dadpen icquid icposh. Aidën: Cuna dayun uaquin isquid icta, caid icposh. Adnubi utsibon: Mimbi: Cuna ista, caidën mitsana uesbudosh, quequin utsibon chuituidposh.

Ducas 15:30

Nëbi mimbi meniaidtedi buanec nidshun chido piucquid bedec chudadquid chudquin piucquid uestanec min mado choacsho issun bacan bacuë caniactsëc nuambo tsënënaid ma mimbi cuessunnemepayoc, quequin bëyuc tishaidën aton papa chushcaposh.

Petedo 2 2:13

Utsibo natiamequin mëyadmequido icsho issun aido natiamiac mëyadquiendac. Nuquin Papan Chiaid niac niacmequin muaquidon utsibo icsamesho issun Nuquin Papan cuidendac, quiash dacuëdtiadquidi icsateuidi bunec inchëshën icsash badiadëntsen icsaic bëdambo iquebi, quec adquido cuishonquec. Esus tantiaquin pebedednuec mibitedi chochoash tabadacno mibëd tabadec muaquidotsen chochopac caosh. Adquidbidi nebi, quiash mibëd tabadec aid icsasho isash: Esus tantiaquido abitedi icsaic, quependac utsibo.

Epeso 2:17

Ambi Nuquin Papa bëdambuen ismete Chiaid Bëda matses abitedi chuibennenuec Esuquidistu chopanëdash. Mibitedi Nuquin Papa tantiesabo yec uannombo icpondac. Padnuen ubitedi Nuquin Papa tantiaquido yec aton dayuntsëqui tabadacbimbuec icpondac. Adquido abitedi chuibannuec chopanëdash.

Epeso 2:13

Ënden Nuquin Papa tantiesa yec uannombo mibitedi tabadpondac. Adbuedi nëbi Esuquidistu aton intac chididiquec abided cuidadec uënësaid tantiaquid yec aidbëd abentsëc yacbimbuec tabadquid yanash Nuquin Papabëd tabadtequido mibitedi nendac.

Ducas 15:12

Aton mado tsiuecquidën aton papa chuiquin: Tsësiobudshun: Cuna mibi menembi, mibi quiondacpaden nëbi aidted ubi meneta, papa, queposh. Adoac atona tembi daëdquiocnoc aton mado abidaëdi menebamposh.

Ducas 15:14

Adec atonatedi naimëdambic abi nidacnocquidon petetsen naimëdan tsësion mado cumapenec bunquioposh.