Ducas 14:18 - El Nuevo Testamento en matsés

¹⁸ Adec nidshun chuituidaquien: Nidtiapimbo iquebi, queposh abitedi. Abia chuituidaid abentsëc nadposh: Cun tied umbi nëbi bedbued istannu. Nidenquio iquebi, quiosh, cata, queposh.

Ducas 14:18 Referans Kwoze

Ducas 18:24

Adsho issun: Atona dadpen icquid atonauidi tantiaquid yec Nuquin Papan namiacno puduedtiapimbo iquendac, quepanëdash Esus.

Timoteo 2 4:4

Pamumëdacbimbuecquin matsesën Nuquin Papan Chiaid tantienquio icquin tsusedpabon ambembi chiampidbëta ambembi chiaid utsi chuisho tantiendac.

Uanën dada uaid 5:40

Aden dada uamiampid isbanquido iquequi mibitedi ubi tantiate bunenquio iquec. Ubi tantiashien mibitedi ënëdenquio yec ubëd tabadtsiandac.

Uanën dada uaid 1:11

Adembidi Nuquin Papan: Cun matses nec, caidombi isadaidbon Esus tantiate bunenquio icpondash.

Ducas 8:14

Pete ëshë utsi nisanquid dadpen dëyucaid yacno paëdaidbimbuecquid nad iquec. Nuquin Papan Chiaid chuibansho tantiashun ambi natiaquin tantiaiduidi tantiec chieshtoendac. Utsibic ambi bedteuidi tantiaquin nabanquin chieshtoshon tantienquio yanendac. Utsibic abi bunaidtedi nate bunquin tantienquio yanuaindac. Adquidon Nuquin Papan Chiaid tantiesa yanshun bëdambuec tabadaid ismesa yanendac. Adquid nisanquidën bëtinac bacuëtiapimbo yacbimbuecquido nendac.

Ebedeo 12:16

Nuquin Papan Chiaid niacquin min chidopenquio chudenda. Chidon min bënëpenquio chudmenda. Mimbi chudtemaidi chudenda. Aden naquidon Nuquin Papan Chiaid niaquendac. Adembidi Esaun aton papan bëyucquid icsho abi chuitequidi chieshëmpampic. Bundoshon pete bunquin aton utsi chiec: Nuquin pan ubi bëyucquid icsho bëdambuen chuitequid chienquio icquin mibimbo ma chuinu. Pete bec cho, quequin icsambuen tantiaquin pete bedpampic.

Timoteo 2 4:10

Utsibo nidannebon ubentsëqui tsadebi. Demas atona bedteuidi bunquin ubi nianec shubu dadpen icquid Tesadonica caid yacno nidosh. Quedesentebic nidaid cuëshë utsi Cadasia caid yacno nidosh. Titobic nidaid cuëshë utsi Dadmasia caid yacno nidosh. Aidtedi nidannebon

Ducas 14:17

Ambi chuibuedquio uëshë chonoc: Umbi chuibuedtedi: Pete codoquiaccoshe. Pec nidta, quequin chuitan, cac aton iua nidposh.

Ducas 14:19

Utsibic: Baca bënë 10ted umbi bedbuedën: ¿Ada bëdambuen nimbanquin buaneque? Tantannu. Nidenquio iquebi, quiosh, cata, queposh.

Pidipos 3:4

Cun tsusedpabon chiaiduidi tantiaquin nasho Nuquin Papan bëdambuen iste danquin naden chuipondambi: Cun tsusedpan chiaid utsibon daëdpactsëc nanuc umbimbo naquin dadpenquio nabanquidquio nebi, quepondabi.