Ducas 12:4 - El Nuevo Testamento en matsés

⁴ Tantia. Umbi tantiaido icsho mibitedi chuinu. Min dadauidtsëqui cuessunnequid dacuëdënenda. Adquidën mibi cuessunnequin udictsëc mibi icsauabudtiapimbo iquec.

Ducas 12:4 Referans Kwoze

Mateo 10:28

Aden chuibennesho min dadauidtsëqui cuessunnetequid dacuëdënenda. Min mayan uënëstiapimbo icquid icsho nibëdametiapimbo iquec. Min dada uënësambi min mayan abi icsho cuidquin chian annëdënquiacno nësecanquidquio tantiata. Adquid Nuquin Papa icsho dacuëdënta.

Esusën Uan ismiaid 2:10

Aidon ubi mëyantsiash, quec dacuëdec natienda. Mayan Icsa Satanasën: ¿Ada Esus tantiaquido chieshtoenquio ictsiashe? Tannu, quequin namiacpadombuen chieshëmënquidon mibitedi utsi utsien quënën tsadunendac. Adoac 9tedec ushec mibitedi natiec mëyadendac. Puduenabi yec chieshtoenda. Ubi tantiaquido icsho: Cuessunnenu, cac dacuëdenda. Aidon cuessunniacsho bëdamboshë icquid meniacbimbuen ubëdi tabadmendambi padpidec uënëstiapimbo icnuc.

Pidipos 1:28

Mibi chieshënquidon chieshënac natienda. Nuquin Papan mibi chieshënquido uënësacsho chian annëdënquiacno nësecaindac. Ambi chiacpadombuen Esus tantiec uënësashien mibitedi Nuquin Papa yacno tabadendac.

Petedo 1 3:14

Adec bëdambuec tabadsho issun icsambo icquidën natiamequin mëyanacsho mibitedi Nuquin Papan mibi bëdambo icmetsiashe. Utsibo dacuëdënec natiec tabadenda.

Santiaco 2:23

Nuquin Papan naden chuiquin dada uamiampicpadombuen napampic: Umbi chiacpadombuen naquidquio icquin ubi tantiaquidquio Abadauan nec, queshun bëdambuen ispampic icsambuen naisabimbuecnuc, quequin chuipampic. Adoaid icsho matsesën: Abadauan Nuquin Papabëd icquidquio nec, quequin chuipampic.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Hechos 4:13

Adec Uambëd Petedo dacuëdenquio yec cumapenec onquesho tantiash tantiadempambo yec tabadec: Aid daëdi chuiquidpenquio iquequi adecbidi Nuquin Papan Chiampid ismiabicquid iquequi Esusbëd ictennedo aid daëdien nechitec, quequin tantiec chuiquido tabadpanëdash.

Uanën dada uaid 15:13

Nadec tantiananta. Cuesanquidën mibëd icquid: Cuesnu, cashunac: Padi. Ubien natiad, quiacbimbuec tantiananta.