Ducas 12:32 - El Nuevo Testamento en matsés

³² Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Ducas 12:32 Referans Kwoze

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Esusën Uan ismiaid 1:6

Abi tantiasho issun Esuquidistun namiaido yec nëish iua cuessunneshun pichicaquidon nacbimbuen Nuquin Papa nashunquido nuqui nendac. Nuqui adomequid icsho: Esus bëdamboshëcquid nec. Abitedishun Icbombo icquin abitedimbo namequidquio nec, quequin ma ënenquio icquin tantiapanuna. Amen.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Ducas 10:21

Aden chuibanashic Nuquin Papan Mayan Bëdan tantiamiacpadec cuishonquec Esus nadpanëdash: Mibi bëdamboshë iquec, Papa. Mibi abuc icquidtedishun Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi cumapenen tantiaquid nebi, quequidombi tantienquio iquec. Bacuën daëdpactsëc tantiacbimbuen tantiaquid icshobi mimbi utsibo tantiamiabi yaid tantiamioc. Aden mibi bunacpadombuen naic mibi bëdamboshë iquec, Papa, quepanëdash Esus.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Tesadonica 2 1:11

Aidobëtambi Esus isembi, quequin mibitedi tantiaquin Nuquin Papa ënenquio icquin naden chiannembi: Mimbi Esus tantiamiaido neque. Bëdambuec tabadmeta, Papa. Aido: Esus tantiec mimbi chiacpadombuen natiadquio iquebi, quequin mibi chuisho ambi chiacpadombuen nameta. Nadatiambocquin naquidquio mibi neque. Adota, Papa.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Mateo 14:27

Adnubien Esus: Ubi neque. Dacuëdenda, quepondash.

Esusën Uan ismiaid 22:5

Ambo inchështe nibëdendac. Nuquin Papa bëchamauanquiec icquidëmbi uëshëmbouidquio icnuc inchështe nibëdquio iquendac. Adecbidi badiadën uëshë chënquequid nibëdnuc matsesën tabote taboaid nibëdendac. Adshumbic abi tantiaquido chuiquid tapabo icmiac ënenquio icquin namebanendac, quequin ismeposhi.

Tesadonica 2 1:5

Adec chieshtoenquiocquid icquin nuquitedi naden tantiec. Ubi chieshtomenquio icquid abitedishun naid tantiaquidquio nec. Adquid icquin icsambo icquido cuidquimbi bëdambocquido Nuquin Papan bëdambuen isec, quequin nuqui tantiec. Adec chieshtoenquio icquin Esus tantiasho utsibon chieshënquin natiamiaid icsho Nuquin Papan: Aido umbi namiacnombo chomeshun ubëdi tabadmendambi, caindac.

Doma 6:23

Icsambuen naic tabadec uënësacsho Nuquin Papan ënenquio icquin cuidacno nësecaindac. Padnuen Nuquin Icbo Esuquidistubëd abentsëc yacbimbuec tabadquid icsho Nuquin Papan ënenquiocquin abëdi tabadmendac.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Uanën dada uaid 18:36

Esusën abi bëyuc Pidaton chuibued tantiaquin: Nidaidënuësh chuiquid tapapenquio nebi. Nidaidën cun iua sondado nibëdec. Nidaidënuësh chuiquid tapa icquin cun iuabo cun matses isadaidbon ubi bedquido bedmenquio ictsemposh, quepanëdash Esus.

Mateo 20:16

Adashic abi onquec: Adombuembidi abi yacnoshon ambi tantiacpadombuen Nuquin Papan naindac. Nidaidënuësh chuiquidpenquio icbuedi Nuquin Papa yacnouësh utsi utsiec chuiquid iquendac. Adecbidi utsi utsiec nidaidënuësh chuiquid icbuedi Nuquin Papa yacnouësh chuiquidpenquio iquendac, quepondash Esus.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Hechos 20:28

Nëbi nidebique. Ubi nidan chieshtoenquio icquin Esus tantiec bëdambuec tabadta. Adembidi mimbi chuibanaido Esus tantiaquido chuiquin: Chieshtoenda. Esus tantiec bëdambuec tabadta, cadednequin bëdambuen chuibanta. Nuquin Papan Mayan Bëdan aido chuibanquid mibitedi icmioshe. Adota. Aido Nuquin Papa yacno tabadmenuec Esuquidistu abided cuidadec intac mëyanec uënëspanëdash.

Hechos 20:29

Ubi nidan bëdi nëish iuaid ueste bunacbimbuen abimbo chiacbimbuen chuibanquin Esus tantiaquido icsambuen tantiamenuec utsibo choendac.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.