Ducas 12:22 - El Nuevo Testamento en matsés

²² Aden iccuededquido chuishumbic Esusën abëd icquido nadopanëdash: ¿Atotsimbi pepeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda.

Ducas 12:22 Referans Kwoze

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Ebedeo 13:5

Adecbidi piucquid dadpen bedteuidi bunec tabadenda. Adenquio iquec: Cuna icnuc bëdambo iquebi, Adecbidi cuna daëdpactsëc icnuc bëdambo iquebi, quec tabadta. Adec tabadquin Nuquin Papan ënden naden chuiquin dada uamiampid tantiata. Mibëd iquendabi. Mibi nianenquio icquin dayun uaimbi, quepampic.

Codinto 1 7:32

Mibitedi natiec tabadbuedi ma adec tabadenquio icpanu, quequin chiec nebi. Chido bedabicquid icquin ma Nuquin Icbo tantiaquin nabannu, queshun: Aid bëdambo iquec, camequin nabanec tabadquid nendac.

Ducas 12:29

Adquid iquec: ¿Atotsimbi peshun acpeba? quec natiec tabadenda.

Ducas 12:11

Adquid icnuc: Esus tantiaquid nec, queshun mibitedi chieshënquin bedshun utsi utsien Nuquin Papan Chiaid chuibante shubuno buanendac. Utsibic cuidte chuiquid yacno buanendac. Utsibic chuiquid tapabo yacno buanendac. Adoac: Icsambuen nambo iccombi, quequin tantiec: ¿atotsimbi chuiquid chuipeba? quec natienda.

Ducas 12:23

Bëdambuec tabadnu, quequin peteuidi tantienda. Adembidi dashcute dasiuidteuidi tantienda.