Ducas 11:40 - El Nuevo Testamento en matsés

⁴⁰ Tantiesambo mibitedi nec. ¿Nuquin Papan matses uaquin dadabëtabi tantiate uapampic, quequin tantienquioda ique?

Ducas 11:40 Referans Kwoze

Ducas 12:20

Adec onquesho tantiashun: Tantiesambo mibi nec. Adquid yec nëid inchëshëmbi mibi uënësec. Adec uënësan mimbi dadpen dayun uaid ¿tsuntsina nepatsiash? quequin Nuquin Papan atona dadpen icquid chuiposh, quepanëdash Esus.

Codinto 1 15:36

Aden chiaid tantienquio icquidën chiaid nec. Mimbi tiedën chococaid cute ëshë aton nami chodquiash napi dëyuctequid iquec.

Mateo 23:26

Padiseobo, Bëshuacbimbuen tantienquio icquido mibitedi nec. Dëshote abichobi bëdambuen ampanacbimbuen mimbi icsambuen naid ënash bëdambo icta. Adec icsainquio yec Nuquin Papan chiacpadec mibitedi bëdambuec tabadtsiac.

Ebedeo 12:9

Aton bacuëbo icsho nuquin pabëtan nuquin tan nuqui icsambuen nasho ënmenuen nuqui natiamepadennec. Adoaqui: Nuqui tishmequid nuquin tabëta nuquin pa nuqui bëdambuen ispadennec. Adombuembidi Nuquin Papa tantiaquid icquin aidën chiacpadombuen nanuna abi yacno ënëdenquio yec tabadnuen.

Ducas 24:25

Adoaquien Esus: Ma bëdiactsëc tantiaquid mibi daëdi neyoc. Nuquin Papan oncamiaidon dada uampid bëdiactsëc tantiaquin tantiesabidi ma mibi neyoc.

Mateo 23:17

Pashuacbimbuen tantienquio icquido mibitedi nec. Tantienquio icquin mimbi icsambuen chiec. Nuquin Papa tabadte shubu dapa Nuquin Papa tabadtequid yec ¿bëdapenquioda icpec? Aid bëdamboshë icnubi aid nuntan icquid bëdambo iquec, caimbi. Mimbien icsambuen tantiabededec.