Ducas 11:32 - El Nuevo Testamento en matsés

³² Padnuen Nuquin Papan Chiaid Onasën chuibanac shubu dadpen icquid Ninibe yacnocquido badedi icsainquio yec ënëdquin Nuquin Papa tantiabempampic. Nuquin Papan Chiaid chuibanquid yec Onas bëdambo icpampic. Ubien aid udictsëcquid yec nadatiamboquidquio nec. Adquid icquin chuibanquin dadpen ismiaqui mimbi ubi tantienquio iquec. Aden ubi tantienquio icquido icsho Nuquin Papan abitedimbo cuidte uëshëmbi Ninibe yacnocquidon: Icsambocquido neque. Cuid, mibitedi caindac, quepanëdash Esus.

Ducas 11:32 Referans Kwoze

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Ducas 11:31

Adquid icnuc abitedimbo cuidte uëshëmbi matses utsi Sud yacnocquidon chuiquid tapa chido tsusedpa Sadomon bëdambuen tantiaquid icpampid icnubi ënapenuësh choampidëntsen: Icsambocquido neque. Cuid, mibitedi cauaindac. Sadomon bëdambuen tantiaquid icpampid icnubi aid udictsëcquidquio icquin nadatiambocquin nabanquin ismiaqui mibitedishun ubi tantienquio iquec.

Mateo 12:39

Adoaquien Esusën: Nuquin Papan Chiaid niac niacquido yec mibitedi icsamboshë icquido nec. Adquido yec ubi tantiate bunenquio icquimbi: Nadatiambocquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi ismendac. ¿Ada ambi oncamiaid Onas Nuquin Papan namiampid tantie? Aid nanëdacbimbuen naquin ismendambi.

Mateo 12:41

Ubi tantienquio yec mibitedi icsambocquido nec. Padnuen Nuquin Papan oncamiaid Ambi Chiaid Onasën chuibanac shubu dadpen icquid Ninibe yacnocquido badedi icsainquio yec ënëdpampic. Nuquin Papan Chiaid chuibanquid yec Onas bëdambo icpampic. Ubien aid udictsëcquidquio yec nadatiambocquidquio nec. Adquid icquin chuibanquin dadpen ismiaqui mimbi ubi tantienquio iquec. Aden ubi tantienquio icquido icsho Nuquin Papan abitedimbo cuidte uëshëmbi Ninibe yacnocquidon: Icsambo icquido neque. Cuid, mibitedi caindac.