Ducas 11:13 - El Nuevo Testamento en matsés

¹³ Mibitedi icsambuen naquido icquimbi min bacuë tantiaquin bëdambocquid menequid mibi nec. Adquid icnuc Nuquin Papa icsaisambo abuc tabadquid icquin: Min Mayan Bëdamboshëcquid ubi mene, quequin abi chuisho tantiashun mibi menendac, quepanëdash Esus.

Ducas 11:13 Referans Kwoze

Mateo 7:11

Adquid yec mibitedi icsambuen naquido icquimbi min bacuëbo tantiaquin bëdambocquid mimbi menec. Adombuembidi Nuquin Papa abuc tabadquid icquin: Ubi nashunta, Papa, quequin abi chuisho tantiashun mibi nashuntsiashe. Nuquin Papa chianneta, quequin Esusën chuipanëdash.

Uanën dada uaid 4:10

Adshobien Esusën naden chuipanëdash: Nuquin Papan bëdambuen isquin natebëta ubi tantiaquid icquin: Acte bec cho, mimbi ubi catsiac. Adsho acte bëdambo icmianquid mibi acmetsiambi, capanëdash.

Doma 8:32

Nuquin Papan nuqui tantiaquin aton Madombo cudasenquio icquin nuqui cuidmenquio icnuen aton Madoded cuidmequin uënës uamepanëdash. Adshumbic aid tantiasho nuqui bëdambuen isquin uënësacsho Aton Madobëd tabadmequin abitedi menendac.

Hechos 2:38

Adoaquien Petedon: Mimbi icsambuen naid ënshun: Esus cun Icbombo nec, quequin abimbo tantiaquin acten mentometa: Ma umbi icsambuen naid tantienquio yec Nuquin Papa bëshunnu, queshun. Adoacsho aton Mayan Bëda mibi menendac.

Mateo 6:14

Adashic nadpanëdash: Utsibon chieshënaqui bëdambuen ista. Cuidnanec chieshënnanenda. Mibi utsin icsambuen nabued tantienquio yec bëshunsho isash Nuquin Papa mibitedishun icsambuen naid tantienquio yec bëshunendac.

Mateo 6:32

Nuquin Papa tantiesaboen abi bunaiduidi tantiec tabadec. Adquido icnubi mibitedishun naden tantiata. Ambia: Cuna nibëdec quequin umbi tantiaid tantiaquidquiocquin Nuquin Papan ubi icmeshunec, quequin tantiec tabadta.

Ducas 11:2

Adoaquien Esusën: Naden Nuquin Papa chuita: Papa, bëdamboshëcquidquio mibi nec. Adquid icsho matses abitedishunquio: Cun Icbombo mibi nec, quequin ma mibi tantiapanuna, Papa. Mimbi namiacnoshon mibëd icquidon mimbi chiacpadombuenuidi naic. Adombuembidi nidaidënshun matses abitedishunquio ma mibi tantiaquin napanuna, Papa.

Mateo 6:30

Adec cute bacuëec tuashquiaid bëdamboshë isadbuedi badedquio sequiacsho nëdëncatequid nec. Adquid icnuc ¿ambi uaido mibitedi icsho Nuquin Papan mibi dasiuidte bedmenquioda icpadic? Ai, mibi dasiuidte icmeque. Natiec tabadenda. Mitsanauidi tantiec natiec tabadquin Nuquin Papa bëdiactsëc mimbi tantiatseque.

Mateo 5:45

Aden chiannesho tantiec Nuquin Papa abuc tsadquidën: Cun mado nec. Cun champi nec, caido mibitedi iquendac. ¿Bëdambo icquido yacnouidtsëquida Nuquin Papan uëshë chëncamepadic? Padenquio. Icsambo icquido yacnotsen uëshë chëncamec. ¿Bëdambo icquido yacnouidtsëquida ue chomepadic? Padenquio. Icsambo icquido yacnotsen ue chomec.

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Doma 7:18

Ubi uidëmpentsëcquio icquid icquin icsambuen naidbëta icsambuen tantiaidtedi nabanaid icnuc bëdambuen naid cuna nibëdec. Adecbidi bëdambuen nabannu, quebuedi bëdambuen natiapimbo iquebi.

Doma 5:17

Abi chuibuedi niacquin Nuquin Papa cuidmiash Adan uënëstequid yannëdacpadequi matses abitedi uënëstequiduidquio iquec. Esuquidistunuidtsëqui nac Nuquin Papan matses icsaisabimbuecnuc bëdambuen isquin: Piucquid ubi mene, quenquio icquin abi yacnombo abëdi Nuquin Papan bëdamboshë yacno tabadmendac.

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Ducas 11:12

Adembidi: ¿Cachinan bacuë chenu. Bec cho, queshoda mimbi chichunquio menepadi?

Ducas 18:7

Adombuembidi ambi: Cun matses nec, caidon: Ubi chieshënquid cuidta, quequin ënenquio icquin chuidoniac: Cuidnu, ¿quenquioda Nuquin Papa icpec?