Ducas 10:7 - El Nuevo Testamento en matsés

⁷ Mibi iuedquidën shubunuidtsëqui tabadta. Adembidi mibi iuedquidën meniaiduidtsëqui peshun acta. Mimbi chuibansho tantiaquidon mibi meniac bëdambo ictsiash. Shubun shubunquien isedbennec capuenda.

Ducas 10:7 Referans Kwoze

Timoteo 2 2:6

Ma nuquin matses tied uaquidquio. ¿Mitsipadquio icpec? Dayacquio yec chonoadquidënquio aton tied uashun ambi nitsinaid caniash sinacsho ambia pequin tauaquid.

Cadasia 6:6

Esus tantiaquido icsho: Nadec tabadquid, quequin chuibanaido icquin Nuquin Papan Chiaid abi chuibanquid nashunquid nendac.

Ducas 9:4

Adec nidash mibi iuedquidën shubun puduedshun umbi chiacpadombuen nabanec auëshquio nidabi yec ambouidi tabadta.

Madcos 6:10

Shubu dadpen yacno nidash mibi iuedquidën shubun puduedash ambouidi ushquin chuibanta. Auëshquio nidabi yec aidën shubunuidtsëqui icquin chuibanta.

Timoteo 1 5:13

Adquid shubu utsin utsinquien isedben isedbenec chieshquidquio yanash icsambuen chiec onqueteuidtsëqui buntsiash. Utsibon icsambuen naiduidi chuibennequidquio ictsiash. Ambi chuitemaidtsen chuiquid ictsiash.

Hechos 16:34

Aden mentoac aton shubuno buanshun pemepanëdash. Adashic Nuquin Papan Chiaid abimbo tantiaquid yec: Ambi bëdambo icmiaido nebi, quiash seshunniadtsembued aton shubun icquidobëd cuishonquecuededpanëdash.

Hechos 16:15

Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.

Hechos 16:40

Adoac puduenanec nidequi Didian shubu yacno choash puduedshun Esus tantiaquido iccuededsho issun: Esus tantiec chieshtoenquio yec bëdambuec tabadta, quequin Pabadon chuibampanëdash. Aido chuibidanec Pabadobëd Sidas nidpanëdash.

Ducas 10:6

Aden chiac shubu icbo bëdambuec tabadte bunquid icsho Nuquin Papan bëdambuen tabadmendac. Shubu icbo utsibic mibi chieshënquid iquec. Mimbi chiaid tantianu, quesa icnubi Nuquin Papan mibiuidtsëqui bëdambo icmendac.