Ducas 10:18 - El Nuevo Testamento en matsés

¹⁸ Adoaquien Esusën: Umbi nadatiambocquin namiac mibitedishun podobitsi icsa dadpen dapuduenmebedednubi Mayan Icsa Satanas abucuësh abu bedquetanacbimbuec badedquio paëdsho isombi.

Ducas 10:18 Referans Kwoze

Esusën Uan ismiaid 9:1

Adnubien Nuquin Papabëd icquid utsintsen shoncaposh daëdshun shoncabi icnuc. Shoncanubien uispa nidaidën paëdacbued ispombi. Adec paëdacbued nidaid shëcuë bëtashaid chicte meneposh. Aidi podobitsi icsabo uidënuaid nidaid shëcuë ëquëducquio icquid bëtashaid chicte neposh.

Uanën dada uaid 16:11

Adembidi tantiamiac: Matses dadpenquio iuaquid Mayan Icsa Satanas Nuquin Papan cuidendac, quequin matsesën tantiendac, quepondash Esus.

Uanën dada uaid 12:31

Nëbi abi tantiesabo Nuquin Papan cuidtequido yanendac. Adembidi matses dadpenquio icsambuen namequid Mayan Icsa Satanas chedo Nuquin Papan cuenmetequid yanendac.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Ebedeo 2:14

Matses yec namibëd intacchoquid nuquitedi nec. Adecbidi Esus namibëd intacchoquid matses yanash naden nanuec uënëspanëdash. Mayan Icsa Satanas matses uënës uaquid icsho dëniacshun aden namenquio iquembi, quiash Esuquidistu matsesash uënëspanëdash.

Esusën Uan ismiaid 20:2

Adshumbic nisi dapabimbuecquid bedposh. Aidi ënden icpampid Mayan Icsa cashumbic Satanas caid neposh. Bedtanquimbic shocosh bucu nacnenaid ambi sananaidën datanetanquin uidën uaposh, ma seta midtedi matanmec tsadnu, queshun.

Mateo 4:10

Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.