Ducas 1:2 - El Nuevo Testamento en matsés

² Aidon Esuquidistun tauain naidbëtabi ambi naid utsitedi isbanquidon ambi: Chuibenneta, caidon chuibanacpaden dada uaidtedi nec.

Ducas 1:2 Referans Kwoze

Uanën dada uaid 15:27

Adoac mimbitsen ubi chuibanendac: Esusën tauaquin chuibannuc aidbëd ictennebi, queshun mibitedishun umbi naidbëta umbi chuibanaid bëdambuen chuibanendac.

Hechos 26:16

Umbi namiaid mibi icmenuec isadcuenec chobique. Nidtota. Adshun: Esus isondambi, quequin ubi chuibenneta, caid nëbi mibi yanec. Ubi chuibennequin mimbi isaidbëta umbi iuecshun mibi ubi tantiamiaid chuibenneta.

Petedo 2 1:16

Nadatiambocquin nabanquid yec Nuquin Icbo Esuquidistu: Padpidec chouaindabi, quiondash, quequin ubitedishun chuibanaid ambembi muaquin chuibanaidpenquio nec. Umbimbo bëchamauanquiecsho isondaidquio mambi mibitedi chiec nec.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Madcos 1:1

Nuquin Papan ambi tantiampicpaden aton Madombo Esuquidistu Mesias caid chomete tauaquin chiampid Chiaid Bëda chuinu. Tantia.

Hechos 1:3

Cueste napotiaidën dectanac uënësash uincuenshun: Uincuenobique. Is, quequin Esusën abëd icquidouidtsëqui ismebampanëdash. Ma abimbo iquec, quequin tantiaquin ubi chuibennenu, queshun aden ismebampanëdash. Adec 39tedec ushquin ismebennequin: Nuquin Papan namiacno tabadte iquec, quequin Esusën chuibampanëdash.

Petedo 1 5:1

Tantia. Esus tantiaquidon chuiquido icsho mibitedi chuinu. Mibi padquid Esus tantiaquidon chuiquid nebi. Mëyanquioquin Esuquidistu natiamequin uënës uasho isondambi. Aidi abitedishun Icbo iquec padpidec nidaidën chouashun bëdamboshë yacno ubi tabadmendac, quiash bëdambo iquebi.

Hechos 4:20

Umbi isbuedbëta umbi tantiabued chuitequidquio nec. Aidi chuibanquin ëntiapimbo iquebi, quepanëdash Petedobëd Uan.

Ducas 24:48

Ubi nabuedbëta Umbi chuibambuedtedi mibitedishun chuibantequid nendac.

Codinto 1 4:1

Esuquidistu nashunquin chuibennequido nec, quequin ubitedi tantiata. Adquid icquin Nuquin Papan ambi matses tantiamenquio icpampidi tantiamequin chuibanquid icmiaido nec, quequintsen ubitedi tantiata.

Hechos 1:8

Aden chiashic: Aton Mayan Bëda Nuquin Papan mibitedi meniac aidënquio bëdambuen tantiamiac nadatiambocquin naquin ubi chuibennequidquio mibitedi iquendac. Edusaden yacnoshomba mimbi ubi chuibanendac. Adoshombic nidaid cuëshë Udea yacnocquidobëta nidaid cuëshë Samadia caid yacnoquido chuibanendac. Adoshombic ënapenquio nidshun nidaid utsi utsiec yacnoshontsen adembidi mibitedishun chuibanendac, quepanëdash.

Madcos 4:14

Pete ëshë secaquidbimbuecquid Nuquin Papan Chiaid chuibanquid nec.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Madcos 16:20

Ambo tsadquimbi nadatiambocquin namiac abëd icquidon nidaid utsi utsiec yacno nidanneshun: Nuquin Papan namiacno tabadte iquec, quequin Chiaid Bëda Esusën naid chuibennepanëdash. Aden chuibennesho: Umbi namiaid nec, quequin Nuquin Icbon nadatiambocquin namebampanëdash.

Uanën dada uaid 16:4

Aden chieshënte uëshë yannuc: Ai, aden chieshënteshenda Esusën chuipondash, quequin tantiata. Adashic Esus: Bedanec ubëd mibitedi yansho aden chienquio iccondambi.

Hechos 8:4

Aden Saudon Esus tantiaquido mëyambanosh, quesho tantiash Edusaden yacnouësh cuenec shubu dadpen icquid utsi utsiec yacno nidanneshun Esus tantiaquidon: Esus tantiash Nuquin Papabëd tabadte iquec, quequin Chiaid Bëda Esusën naid chuibennepanëdash.

Hechos 14:25

Adtanec shubu dadpen icquid Pedque yacno choash tabadquin Esusën naid chuibanash shubu dadpen icquid Atadia yacnotsen choshon chuibampanëdash.

Hechos 16:6

Adnubien Pabado: Nidaid Asia caid yacno nidnu, quesho Nuquin Papan Mayan Bëdan: Ambo Esus chuibennec nidenda, cac Pabado abëd nidquidobëd nidaid Pidiquia caidbëta nidaid cuëshë Cadasia caidtsen matambidanec

Hechos 17:11

Ashunquiotsen: Nuquin Papan Chomiaid Quidistu caid Esus niondash, quequin tantiamenuen Nuquin Papan Chiampid Pabadon chuibansho ambocquido isadaidbo Tesadonica yacnocquidon tantiacpadempenquio bëdambocquid icquin: ¿Abimbobida chuibanoshe? Tantiabono, queshun Nuquin Papan chuiquin dada uamiampid isban isbampanëdash Bedea yacnocquidon.