Doma 9:7 - El Nuevo Testamento en matsés

⁷ Ëndenquimboshë Abadauanën tsiuecquido abitedi Nuquin Papan: Cun matses nec, caidopenquio icnuc Nuquin Papan: Min mado Isaquën tsiuecquido cun matses caindambi, quequin chuipampic.

Doma 9:7 Referans Kwoze

Cadasia 4:23

Abadauanën chudac badedquio bacuë usundoshon chido iuaidën aton mado tishpampic. Padnuen Abadauanën chidombo iuaidpenquio icsho: Min chidonquio bacuë tishendac, quequin ambi chiampicpadombuen Nuquin Papan aton mado tishmepampic.

Pidipos 3:3

Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Ducas 3:8

Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash.

Uanën dada uaid 8:33

Adsho tantiashumbien: Ubitedi Abadauanën tsiuecquido yec utsin iuacmaido nebi. Tantiadenquiocnoc mimbi chiec. ¿Atotsi quequin: Iuapenquio mibi icmendambi, quequin mimbi ubi chuipe? capondash abi tantiabentsëcquidon.

Ducas 16:30

Adoaquien: Aid tantienquioctsiash, papa Abadauan. Uënësaid uincuenanec nidshun chiac aidon ambi icsambuen naid ënshun tantiabentsiash, quequin atona dadpen icbuedën chuiposh.

Mateo 3:9

Ubipadquid Abadauanën tsiuecquidouidtsëqui icsho Nuquin Papan ubi bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënotebi matses uashun Nuquin Papan Abadauampadquid icmetsiashe. Nuquin Papambo tantiata, quepanëdash Uan.

Cadasia 4:28

Cun utsibo, Isacbimbuecquido icsho ambi chiampicpadombuen Nuquin Papan: Cun mado nec. Cun champi nec, caido mibitedi nec.