Doma 8:8 - El Nuevo Testamento en matsés

⁸ Adquid icquin icsambuen naquidon Nuquin Papa: Mibi bëdambo iquec, cametiapimbo iquec.

Doma 8:8 Referans Kwoze

Doma 7:5

Esus tantiabi yec nuqui bunacpadenuidi naic icsapadennec. Aden nainda, quequin Nuquin Papan Moises chuiquin dada uamiampid tantiashi: Adequi icsate bunquiebi, quiash nuquitedi icsaquiopadennec. Adquid yec uënësacbimbuec icsho ënenquio icquin cuidacno nidmequin nuqui nësecatsempondash.

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Codosas 1:10

Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus.

Uanën dada uaid 3:3

Adsho tantiashumbien Esusën naden chuipanëdash: Tantia. Mibi chuinu. Chuca uabi icquid yec Nuquin Papan namiacno mibi tabadtiapimbo iquendac.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Uan 1 3:22

Aden: Umbi chiacpadombuen ubi nashun, quequin chianniac nuqui nashunendac. Ambi chiacpadombuen naquin abi bëdambo icmiac Nuquin Papan nuqui chianniacpaden nuqui nashunendac.

Uanën dada uaid 8:29

Nëbi ubi chomiondaid Cun Pa ubëd iquec. Abi bëdambo icmenuenuidi nasho issun Cun Pan ubi nianenquio iquec, quepondash Esus.

Codinto 1 7:32

Mibitedi natiec tabadbuedi ma adec tabadenquio icpanu, quequin chiec nebi. Chido bedabicquid icquin ma Nuquin Icbo tantiaquin nabannu, queshun: Aid bëdambo iquec, camequin nabanec tabadquid nendac.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Codosas 3:20

Aton bacuëbo icquin papabëtan titan chiacpadombuen nabanta. Aden nabanec tabadsho isash Nuquin Icbo: Bëdambo iquec, quendac.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Doma 1:21

Ambi uaid issumbi Nuquin Papa tantiaquin aidën chiacpadombuen natiapimbo iquec. Nëid uaquid bëdambocquid nec. Aidëmbien ubi nashunchitec, quetiadquidi pamumëdacbimbuecquin Nuquin Papa tantiatiapimbocquin ambembi chiaiduidi tantiaquin nabanquid matses nec.